العيد فرحة ......ماااااااااء

؟؟مش عارف الاغنية دي لو ما كنتش أم كلثوم غنتها كنت هعيد ازااي

لكن كويس انها هنا

مش هحكي عن ذكرياتي ف العيد مش عشان ما اطولش وارغي لكن لاني مش فاكر بصراحة غير ااخر ست سبع سنين

يعني من يوم ما بقيت كبير كدة ما شاء الله ما شاء الله

لكن كل اللي مسلسل العيد عندي محفور ف مخي

الاغنية دى ليلة العيد اللي لازم اسمعها معرفش بحس باية كدة وانا بسمعها بحس بحاجة مش عارف اسمها ايه بس حاجة حلوة اوي

الحاجة التانية الهدوم المكوية اللي بابا بيجيبها من عند المكوجي ف اخر الليل

وشوية التنضيف اللي ف البيت الللي عشانة مخصوص بسيب البيت واروح اي حتة برة يا كورة يا قهوة

بعد كدة السهرة وصلاة العيد الصبح والتكبير والمصلية اللي لازم اخرج بيها مع ان بيبقي في اماكن فاضية بعد كدة

حضراتكم يبقي تلت تربع العيد خلص بالنسبة لي

اكبر منطقتين عندنا ف المدينة الباسلة بتاعتنا هما علي اطراف المدينة ةبيخرجو مع بعض طبعا فتلاقي الرصيف اللي برة

بتاع الطريق السريع دة مستووووف بني ادمين ف اللحظة دي ممكن تتخيل انك تشوف اي بني ادم يخطر علي بالك

اصحابك كلهم طبعا والاحضان تشتغل وبعد ما الرصيف ي يخلص من الناس- بيني وبينكم بالذات الحريم يعني اللي

بنتفرج عليهم اصلهم بيبقو متالقين اوي ومش بنشوهم غير الساعة دي يعني_

المهم يعني

باخد زمايلي ونقعد ع القهو ة بتاعة الزراعة نشرب شاي اللي غالبا حد تاني بيحاسب عليه وبعدين اشتري جورنال

الجمهورية_ وما حدش يقولي اشمعني الجمهورية عشان مش عارف بصراحة هوة كدة وخلاص_ واروح بيتنا امتع ودني الجميلة بالرنات بتاعة التليفو ن من الناس قرايبنا واصحابنا وموبايلي العزيز بالنغمة

المميزة بتاعة الرسايل اللي بيتفضلو زمايلي ويعبروني بيها وبعدين اناااااااااام وكان الله بالسر عليم

كل سن وانتو طيبين وعيد سعيد عليك كلكم إنجوي يور سيلفس بقيي

بحب

بحب عمرو دياب القديم........ ومنير القديم

بحب صاحبي القدييم........ وحبيبتي القديمة

بحب بنطلوني الجينز القدييم الجرباان

وبحب اكتر قلبي الجرباااان ...........مش عشان جرباان وبس...... لكن لأنه فاكر كل الجربانين دوول.

إذا عرفت الحل من فضلك لا تتصل بأحد

ياعني حد يقولي

فراااااغ زوووووووم إن

ممممم الحباية دي بدأت تروح أهي........الواحد وشه بقي عامل زي حتة اللقمة علي رأي خالتي

الناس بيقولو الواحد بيتخن ف الشتا, الدنيا ساقعة أو كدة ليه؟وطي التليفزيون دة شوية

هوة البرنامج بتاع وائل الابراشي جه ولا لسه؟ كل دي هدوم؟

عايز كباية شاي, أنا بقيت بشرب شاي كتير الأيام دي كدة ليه؟
هدني علي طول كدة ؟هوة إبن اللذين دة لسة ما اتصلش؟ وبعدين؟

ولا قبلين هعمل اإيه ياعني؟

أنا بعت الفاكس اللي كنت بقول عليه؟. يا فلوسي خلصت من كتر النت والفاكسات

هي الفلوس بقت بنخلص بسرعة أوي كدة ليه؟ كل حاجة بقت بتخلص بسرعة اشمعني دي أه صح فعلا حلو أوي

القصة دي هي الرواية دى مش عايزة تخلص؟ الساعة لسة 11 ونص اليل طويل اوي اه اطول ممني نيها هاهاها ..

هاها م

ين مين كان بيضحك الضحكة دي؟ اه إفتكرت بس لذيذة اوي

اتخنقت عايز اغير جو انزل اسكندرية جابر اتصل بالواد جابر واطب علية

أأقع معاة يومين .......اشمعني يومين؟ ياعني مش عارف اية الاسئلة دى؟ انا بقيت بكلم نفسي كتير كدة ليه؟ نفسي؟

نفسي التي رحلت نيهاهاها الواحد مخة بااز م التدوين وسنينه هوة انهاردة اية؟ الاتنين بقينا ف ديسمبر الايام بتمشي

بسرعة فاضل شهر علي عيد ميلادي الواحد عايز ياكل تورتة ف السقعة دى ......سقعة اية دي طفاسة يافالح

اية دة مين اللي اخترع المكنسة دى؟ صوتها فظيع ممل ليالي الحلمية جت؟ هي كانت بتيجي امتي؟ انا فاكر اني

كنت بشوفها باليل باليل امتي ما الليل طويل اوي؟

أما أشوف................ يخربيت اهلك اية الي انتي لابساه دة؟

البرنامج دة تافه كييك

يا سلاااام...................ممممممممم

بس كويس أوي الاحساس دة ما كنتش متوقع كدة خالص بس هي فاكرة ...........بس كويس بردة ان انا مش باين عليا

اية دة انا مش فاهم حاجة م اللي بقولها........... لا بس سلفادور دالي دة طلع حكاية هوة مجنون شوية بس دماغ هوة في مجنون شوية ومجنون شويتين ؟؟!...... يلا بلا هم ياعني انتي اعني اللي عاقل؟ اية اصلا الي فكرني بيه دلوقتي واية

الرواية دي كمان لسة ما وصلتش لنصها وعمال اشبك صوابعي ف بعضها واكلم نفسي الراجل دة بيكتب بطريقة غريبة اوي وفلسفة اغرب هوة اية ياعني تكون انت ومش انت ويكون هوة ساعات انت وانت مش عارف؟! هو أنا عملت

شاي؟ شاي ايه؟ انا مش هنام بقي؟ انا؟

ما انا بنام كل يوم وبعدين؟ كنت عايز اروح اخلص الورقة دي بقي الموظفة دي طلعت سخيفة مين اللي بيرن عليا

دلوقتي دة؟ شكل أحمد هيصحي م الفيبريشن مع الازاز عامل صوت فظيع مش هبيع الجهاز دة مخصوص عشان الفيبريشن بتاعه دة هسيبة اخوف بي العيال الصغيرة

اما اروح اعمل كباية سحلب بقي هوة انا فاضي اوي كدة ليه؟

يخربيت الفرااااااااااااغ ياع

دايرة يا مسكييين بس دايرة زوووووووم

إلا تلت.......إلا ربع.....12

الزمن!!!! الزمن يا صاحبي:

المتهم الأول ف ذكرياتك المرة وأحلامك المخنوقة

عارف يا ميدو حاسس إن عقرب الدقايق اللي بتعتبره كأنه إرهابي شبهك أويي

مش ف الإرهاب طبعا لكن مع انه إرهابي بس طيب أوي زيك

مشمر دراعاته وبيلف ف دايرة غامقة زي دايرتك الدايرة من 6 ل6 ساعات ليلية

وإنت بردة من 6 ل 6 أشياء عادية

شلة ع القهوة ما بقتش بطيق تقعد معاهم ,كباية سحلب كبيرة بتشربها بالعافية لأن سكرها زيادة ,رواية بردة بتقراها بالعافية إنتظار لنهاية مجهولة

إيقاع مزيكا يكمل المنظومة ويرحعك لذكري مرة و.دوخيني يالمونة

بس عارف؟؟

هوة بقي واقعي مع نفسة اكتر ع الأقل عمرة ما فكرإن الشمس ممكن تطلع الساعة 2 أو3

أأما إنت مشمر دراعاتك عايش علي أمل أن الرواية تبدا تحلوأو تنتهي بنهاية مخالفة لتوقعاتك, أو موبايلك يرن برقم

غريب يقطع عليك منظومة الدوران الكلاسيكي الرقم اللي غالبا هيبقي غلط عشان رقم موبايلك الملخبط الي شبهك بردة

وتكمل دوراان .............. دورااااااان

هروب ياصاحبي هرووب من شيء عادي لشيء عادي تاني

شهيتك للكتابة هروووب,تفكيرك ف عدم الكتابة للحظة كان هروووب حتي رجوعك ليها ........... بردة هروووب

إدمانك للنت ......... هرووووووب, قلة الجلوس ع القهوة .......... هروب

تعرف؟

؟

بقيت شبة العقرب بتاع الدقايق حتي ف هويته صيني

بتنكسر بسرعة قلبك خفيف وروحك خفيفة حتي وزنك خفيف ..........انت كائن صيني منظر بس

إنت مش شبة العالم !!!!!!

انت بس شبة دقنك الطويلة وشعرك الملخبط -قصدى المفلفل-شبه كتبك اللي ما بقراهاش ,شبة إذاعة الأغاني, شبة

التعب والانتظار المميت وشبهي أنا أحيانا

بعترف إاني هربان بس بهرب منك وليك بردة

أنا تعباان يا دكتووور.. طبطب عليا شوية وخدني ف حضنك ف ساعة الليل دي وأوعدك هتغير عشان ما تملش مني

هقلل السكر ف السحلب شوية,هحاول آآآآآآآآكل ,هشتري بارفام اغلي م اللي عندي,هكمل رواية ألبير كامي

...................

وهبطل أحب ملايكة.

..........

ليس مطلوبا منك أن تكوني أزلية ولاأن تكوني ملاكا من الأساس

لكني لن أستطيع أن أنزع من نفسي هذا الإعتقاد ....... ليس مجاملة لكي لكنه ربما إعتيادا علي الملائكة!!ز

أأتتذكرين؟؟

!

كتبت صديقة لنا من قبل قصة قصيرة جدا إنتهت بموت الملائكة كي لا يتزوجون

وعلقت الصديقة أن الملائكة لا يتزوجون

الآن القصة انتهت بزواج الملائكة كي لا يموتون!!

ظ

كل ما يهمني الأن أن أتوجه لصديقتنا القديمة وأضع تعليقا مناسبا للقصتين معا

يا صديقتي القديمة: " الملائكة لا يموتون أـيضا"ا

هكذا يبدو دائما شبابيك

مشروع حلم

محصور بين عنف الوقت وعنف الوقت

عزلة نسبية

طالما يفشل في مواجهة نفسه بمبرر لها ........ربما لأنها نسبية

غطاء محشوا بالذكريات

يشعره بالدفء غالبا ربما دفئا وهميا لكنة علي اية حال كاف حتي

يأتي الوقت الجديد بذكري مضافة

وبعضا من الروءي الغامضة

تقبع علي مسافات وأزمنة بعيدة

فينتج شبه كائن لازال يحيا فقط لأن الموت يخطئه في كل مرة

فيضيف لمكوناته الاساسية

عنصرا جديدا من البقاء..........

.

البقاء فقط..إنتظارا لخطئا جديدا-أقصد موتا جديدا

إهدااااااااء

يا طيب

إهداء الي طفل منتحر

إهداء إلي الذي كان ولم يكن

إهداء إلي ذوات الأقنعة............والأقنعة أيضا

إليكم جميعا هذة الأغنية

من وحي فنجاني أقصد فنجانها

رفيقتي:

نعم هكذا يبدو اللفظ أكثر مرونة

بما أنني رجل عادي وأنتي امراة عادية فلماذا اذن نحرص علي انتقاء التراكيب الغير عادية

ورصد لحظات التجلي المبالغ فيه

رفيقتي

:

لم يبق وقت لدينا حتي للأشياءالعادية

رفيقتي

:

الوقت كان كرة محشوة بالسراب الجميل فدعينا اذن من الحزن العادي والعتاب المكرر والمسميات المهترئة

رفيقتي

:

فلنصنع من الذكري قاسما مشتركا,نستند قليلا علي تلك الوسادة القديمة

نثبت أعيننا علي بعض الشموع العائمة في فيلم هندي طويل فلربما أصبحنا في يوم أصدقااء خارج أطار المألوف......آسف

عزيزتي

:

الوقت ........للراحة

والصمت؟........للراحة أيضا

هوة في ايه

مش عارف يا جماعة الايام الي فاتت عمال احلم احلام غريبة علي كوابيس

شوية أحلم ان الحرامية اللي ف البلد شبعو ومش هيسرقو تاني خلاص

وشوية أحلم ان الشوارع بقت نضيفة والعربيات بتمشي برااااااحة والطريق كلة منووور تماام

وشوية الاقي قال اية وزير النقل بيستقيل وبعديها بشوية الاقي الشرطة ووزارة الداخلية بقو ناس زووووووووووووووق ومهذبذين

وان مصر يتلعب في كاس العالم

شوية احلم إن الحلاقين بطلو رغي

ان القطر بقي بيجي في ميعادة

تعرفو ان في واحد في المانيا بيقولي ان القطر بيبقي ف ميونيخ الساعة8 و25 دقيقةو27 ثانية عمرة ما بيوصل و28 او و29 ثانية............حاجة تغييييييييييييظ

إن بقي عندنا مجلس شعب بجد مش هفأ

حلمت انهم بطلو يرصفو ف طريق منيا القمح الزقازيق وان قصر الثقافة اللي بقالو 26 سنة واقف ع التشطيب جهز خلاص وقال اية اشتغل كمان

حلمت ان الصحف القومية بطلت نفاق وكدب والصحف المعارضة بطلت شتيمة

والادهي من دة كلة بقي إن الحكومة بطلت تعرف الناس ان في حاجة اسمها صحافة قومية ومعارضة اسااسا

حلمت ان الناس بقت تعمل اللي بتعرف تعملة وبس وما بقوش يحطو مناخرهم في اي حاجة ويعملو فيها عم المفتي

حلمت إن الإتحاد(اتحاد الطلبة) بقي با الانتخابات مش بالتعيين

حلمت ان الناس بتوع السينما بطلو يستتفهو عقول المصريين

ان الكاميرا الخفية ما بقتش تيجي ف رمضان

ان الناس بقت بتفهم افلام يوسف شاهين

اننا بنعمل فيلم خيال علمي او رعب محترم

دة كله كوم واكوابيس اللي جاية دي بقي كوم تاني

قال اية انا بطلت خلاص اقرر اني أروح احلق شعري يوم الاتنين

وكمان بقيت بشتري دباديب مش بتفرج عليها

حلم يقظة دة بقي:قال اية خير الهم اجعلة خير اني بطلت أحلم باشباه المستحيل الي فاتت دي فاستريحت أوييييييييي

?

ترددت كتيير واأنا بكتب البوست دة مش عارف يمكن حااسس ان الموضوع ما يمسكوش اوي او يمكن حاسس اني مش هقدر اأوصلكم كم الدهشة والغرابة والتوفيق في نفس الوقت بس هقولكم ع اللي حصل لاسباب هقولهالكم في اخر البوست

اللي حصل امبارح اني ف اماان الله صليت المغرب وفطرت ولبست بسرعة وطلعت علي شغلي المهم ركبت ميكروباص معدي كدة قبل كوبري قصر النيل بشوية والعربية زحمة وركبت بسرعة عشان الحق الشغل عشان كدة ساند علي الباب طبعا الشارع زحمة والعربيات سريعة جدا واذا بالباب بيتفتح وصاحبكم يلاقي نفسة بيمسح الرصيف برجليه عارفيني ا جماعة الافلام الامريكاني والخدع السينمائية اللي كانو بيجبوها ف القناة التانية لما واحد ماسك بايد واحدة ف عربية الشرطة ومعرفش ابصر ايةى حاجات من دي نفس المنظر كل اللي حاسة ساعتها اني مش فاكر انا كنت ماسك بايدي ف حاجة اية الحاجة دي مش فاكر ايد واحد ولا حديدة ولا ايه بس ف اللحظة دي حسيت اني بموت صدقوني كلمة الموت اللي بجد موت بدني مووت الي هوة خروج الروح مشكلتي اني ببص ناحية الحاجة الي ماسك فيها وكاني بقولها انتي ماسكة فيا لية خلاص انا بموت واية ياعني انا مش زعلان الحمد لله بس انا خايف احسن التاكسي اللي ورايا وبقيت العربيات تدوس عليا واتبهدل انا عايز أموت ف هدوء حقيقي مش عايز اتبهدل كووول دة مر عليا في 4 أو5 ثواني تقريبا وبقيت الركاب بيزعقو وبيقولو للسواق حاسب حاسب وسبحان الله نفس التفكير بردة ان انا مؤمن اني خلاص بموت ومش مرعوب غير من اني اتعذب او اتالم اوي

المهم الحمد لله لقيت العربية بتقف وانا رجعت تاني للكرسي والناس بتقولي انت كويس وصاحبكم مذبهل مش فاهم اي حاجة او مش مصدق معرفش ببص لرجلي وايدي مش مصدق اني لسة سليم والناس بتكلمني وانا مش بنطق تماما خالص نزلت اشرب شوية مية ورجعت مش مصدق انني ماشي علي رجلي وانها ما انكسرتش ع الاقل

مش عارف يا جماعة يمكن علي فكرة دي رابع مرة اتعرض للموت ف حياتي بس المرة دي بالذات كانت في رمضان ويوم الجمعة ووقت صلاة التراويح زمن غريب او مميز اوي عن المرات اللي فاتت كل اللي قلتة يمكن بعديها بشوية الحمد لله الحمد لله بس وكاني مش انا اللي حصل لي دة اكني واحد تاني لدرجة ان واحد م الركاب بيقولو انت بتصلي فاستغربت اوي وقلتلة ياعني الحمد لله

ورجع تاني يقولي لا بجد بتصلي عارف انت لو ما كنتش بتصلي لازم تصلي عشان ربنا سبحانة وتعالو نجاك انهاردة

يمكن انا اسف يا جماعة حكيت لكم حكاية ملهاش اي لازمة بس التجربة دي اثرت فيا انا شخصيا كتير وغرضي الاساسي من كتابة البوست بجد ان كل اللي بيقرا البوست اولا يذكر ربنا سبحانة وتعالي وكلمة الحمد لله بجد لان ساعتها خصوصا حسيت ان الانسان واحلامة وازماتة ومشاكلة وحزنة والدنيا دي كلها مش اكتر من فقاعة هوا و أي حد عندة ازمة او حلم لسة ما حققوش بجد ربنا سبحانة وتعالي أد اية رحييم اوي ومفيش حاجة اسمها مستحيل علي ربنا ربنا سبحانة وتعالي بجد نجا بني ادم بكل قوانين الطبيعة كان مفروض يكون مااات من شوية يمكن لما يكون الانسان عندة امل ف ربنا حقيقي مفيش حاجة اسمها صعب او مستحيل ممكن تموت ف لحظة وممكن رترجع للحياة ف لحظة بردة والحيا والرجوع للحياة بيتهيالي معجزة اكبر بكتير من انسان مريض او انسان في اي ازمة من اي نوع

انا مش عارف اية مغزى اللي بيحصلي او يمكن ربنا بيوصلي رسالة او اختبار مش فاهم حقيقي دي رابع مرة تتكرربس كل اللي نفسي اعملة اني اشكر ربنا سبحانة وتعالى كتير اوي ويمكن انا اعرف ان في ناس لما بتتعرض لحاجة زي كدة بتندر ندر وكدة انا ما ندرتش بصراحة بس حااسس اني عايز اعمل خير كتيير طبعا ربنا سبحانة وتعالي غني عن العالمين بس حقيقي عايز أسئل رجل دين او كدة يقولو ممكن اعمل ايه ياعني وسوري مرة تانية صدعتكم سلامي ليكم كلكم

عن الحلة

من فضلك انظر برة الحلة

ياا نفسي ف عربية فيراري

نفسي ف لاب توب

نفسي ابقي مدير شركة وعندي سكرتيرة فرعة بميكرو جيب(عشان حرية الحركة طبعا)ويكون اسمها ماهيتااب

نفسي ف شقة ع النيل افرشها علي مزاجيي

نفسي اسافر لندن وبرشلونة وباغيي باريس ياعني

نفسي أتعلم روسي

نفسي اقرا 100 عام من العزلة

نفسي اتخن شوية اااه والله

نفسي اغير الموبايل العتيق بتاعي

نفسي اشوف فيلم بيوتيفل مايند

عايز اروح اودي مقاسات النضارة للراجل بقي بدل ما كل شويىة اروح اكشف تاني

نفسي اروح اسكن ف الرحاااب الطرق جوة مناسبة اوي للفيراري

ياااا كنت عاوز اكلم الواد عبدة ف التليفون ............واحشني

الخ.....الخ..................

دايما عنصر الزمن وكلمة امتي مش موجودة ف القاموس الدريمي اصل لو بقي لة زمن بقي حدث ياعني حقيقة ما بقاش حلم

لا يا واد فليسوف

المهم شيء ظريف اوي وملعبك لو دخلنا مع بعض جوة الحلة هنلاقي

:

1

بالنسبة للاب توب حاليا كان عندي كمبروتر وفص ملح وداب من كام شهر ودلوقتي بقعد ادون ف سيبر

بالنسبة للفيراري كل الي كان عندي عربية فيات 128 واخويا عمل بيها حادثة وصلحناها وبعناها

ممممم اية تاني اااااه الشركة اساسا عملت كام انتر فيو أخرهم ف اسكندرية وياعني بيقولولي هنتصل بحضرتك بس تقريبا كدة الشبكة بتسقط مع اني فودافوز ياعني

اما التخن المشكلة اني عاجبني شكلي كدة حقيقي والله لكن بردة عايز اتخن شوية لية؟ مش عارف يمكن عشان ماينفعش اتخن اساسا؟ يمكن

بالنسبة لعبدة لا لا بجد هتصل بيك يا وااد انتظرني

بس مش عارف كل ما تيجي علي بالي اتصل بيك يا اما الاقي الساعة 2 باليل يت اما الاقي التليفون مشغول يا اما الاقيني ع الق4هوة مش ف البيت اساسا

دلوقتي بقي تحبة تبقو بردة الحلة ول جوة الحلة؟

طبعا برة الحلة بس في حاجة مهمة لازم اقولهالكم

لو انت جوة الحلة أفضل قول ليه؟

هتفضل ف الظل مع نفسك أكيد ما فيش حد هيقولك يا كخة ياللي ماعندكش لاب توب ولا يا ايحة ياللي ما عندكش فيراري..........عادي ياعني هتبقي عايش وسط اشياء منطقية

إنما برة الحلة حاجة من تلاتة أوبشن

يا اما تبقي حرامي عشان تحقق بعضهم

يا اما تبقي واهم وبتحلم وخلاص

يا إما تبقي غبي ومش بتعرف تخطط لمستقبلك

أزمتي بقي لا دة ولا دة انا لا برة الحلبة ولا جوة الحلة أنا تحت الحلة

ملحوظة هامة:أنا اتفضحت اتفضحت رسمي ياعني

تعليق علي الدوائر

يعنيني أكثر من الأضلاع ذاتها .إقتران الأضلاع

النقصان ... الإبتعاد....... الإحتمال

يا حكيم الحكايات تمر بطيئة النهايات تأتي في غير موعدها وأنا أرحل دوما ف الأسر وللأسر

وما ادراك بالسرعة أيها الكائن البطيء؟!!ز

ما دام يخيفك منظر النهايات فاصنع اذن نهاية من تصميمك

أصنعها ف الخيال؟

كما صنعتك ف الخيال

آآآآآآآه النهايات نهايات ف الحقيقةأم أشباه نهايات تختبيء خلفها الحقيقة؟؟!!!!!!!!ؤ

دعك من مهاتراتك الهزيلة وأنصاف أشيائك أيهاالشقي

ولا يغرك فرط النقصان بنزق الإكتمال وإعلم أن من لم يكتمل قد إكتمل بالفعل

يا حكيم ما عاد يفزعني الإبتعاد بقدر ما يثيرني دهشة إحتمالي له

صديقي لا يغرك كثيرا براعة االإكتمال أو وجع الإبتعاد

فلربما في تلك اللحظة مررت في ذاكرة شخص رأيته مرة واحدة

وربما يفتقدك صديق آخر في مكان مالم تسعفة تلك اللحظة بالذات

وربما تنام علي ذكري وجهك الشبحي فتاة رومانسية رأتك بين قطارين في يوم وساعة كنت تفكرأانت مليا في شخص لا تمر بباله أبدا

كم أشتاق إليك يا حكيم لا تبتعد عني تانية ولا تترك لي فرصة الإبتعاد عنك . فالوقت دوما يدهمني

حسنا صديقي إذا كنت لا تهفو لهذا الحديث فأنا أحتفظ لك بدائرة كبيرة من دوائرك ف الذاكرة

صديقي:إطعن بهذا الخنجر شخصا لاتعرفه

ثم إجلس وتمتع بقهوتك السادة,جمّع كتبك التي لا تقرأها ابدا,بعضا من الموسيقي الليلية

رتب همومك,راجع ذكرياتك جيدا,إستلقي وحدك ونااااااام

عن دوائرك يا مسكين3و4و5و.....و

بعضهم صنفة خفيف الظل ..فقط

بعضهم صنفة خفيف الوزن ..فقط

اخرون صنفوه مغرورا.زفقط

بقدر ما كانت تستفزه فقط بقدر ما كان بعجبه قوة البطل ويرضي غروره أو عقدته إختفاء الكومبارس معظم الأحيان كما يروق له تجدد الوجوة بالماكياج

يتمني دور البطل والكومبارس والماكيير ف آن واحد

بدأ ينمنم ف روحه حتي مقاس الحياة التي كانت دائما اكبر

أخذ ف التدريب العنيف ليبني جسدة الهزيل الذي سرعان ما كان يتلاشي من أول ....ز.أو أول...ز كوب من الشاي المعتم الذي كان يساعدة علي محاولة النجاح ف دراستة التي يمر بها بنصف قدم

دائرة حب من إحدي مهاتراته قديما:كان يأمل في شيئين:-و

أن تفك عقدة لسانة ويقول لبنت يحبها تقريبا"أحبك"أو يمرن نفسة علي مبادلة البنت التي تحبة تقريبا أيضا

تحايل في لقطات كثيرة علي الضفدع قبل إخراج أحشاءها أن تنطق " إرحمني " "لاا"ا لكنها خلقت بنفس المرض المزمن"أنيميا اللغة المشتركة

".

دائرة فشل:

كومة الكتب الدراسية تشعره بالظلم

كومة الكتب الأدبية تشعرة بالوهم

رائحة الادوية دائما ما تذكره بالفشل

دائرة نجاح:

بدأيلملم شرنقته ثم اخذ يسلي نفسه بالبحث مع منير في أرض شجر الليمون عن........ز

عفريت:أشيائهما المفقودة بالطبع

هناك شعر بالإنسجام مع سماع الأغاني الهندي التي لم ولن يفهم منها شيئا إلا وجودها الفعلي أو المفتعل بالنسبه له ومع تليفون لأصدقائة الذين لم يسالو علية أبدا

ذروة النجاح.أقصد ذروة القصة

إستعاد اللا وعي,أطبق علي القلم وكتب مجموعة قصص قصيرة جدا

آآآه تمت

آآآآآآه تمت

آآآآآه تمت

عفريت:لم تكن لتتم أبدا كان يكذب علي الدوام كل الكّتاب كاذبون خصوصا الفاشلون منهم

نهايه القصة

حلم1

حلم ذات مساء أنه يكتب رواية يجمع فيها كل الفاشلين الذي عرفهم

حلم2و3و4و....و

حلم ف المساءات المتتالية أن

يكتمل حلم1

أو

تكتمل الرواية

تااااااج

هل انت راض عن مدونتك شكلا وموضوعا؟

شكلا بينهيالي اللون الازرق بحبة اوي وشكلها البسيطدة بردة بستريح له موضوعا مش عارف بصراحة بس كل اللي انا حاسة من الناس اللي بتعلق عندي ان المدونة كئيبة موووت فهحاول ان شاء الله شوية خفة ياعني مع اني مش عارف والله

هل تعلم اسرتك الصغيرة بأمر مدونتك؟

والله ما فاكر جبت لحد سيرة بالصدفة ولا لا بس عموما هما مش فاضيين أوي للنت بصفة عامة وعادي بالنسبة لي انا حابب كدة كمان

هل تجد حرجا في ان تخبر صديقا عن مدونتك ؟

لا أبدا لية لأ زي ما ساعات بخلي اصحابي يقرولي أعمال بس لو عندهم ولو استعداد طفيف للتلقي ياعني

هل تعتبرها امرا خاص؟

ممممم بيتهيالي كدة

هل تسبب المدونات بتغير ايجابي لافكارك؟اعطني مثال ف حالة نعم.؟

مش فاهم بصراحة تغيير إيجابي بلااش سيرة التغيير والنبي عشان بنرفزني بس عموما وسيلة تواصل وتبادل للافكار اكتر منا بتاع م اللي بتقول علية دة خصوصا مع ناس تحس انهم سوري ياعني معقدين نفساويا زيك بس باساليب مختلفة

يهل تكتفي بفتح صفحات من يعقبوك بردود ف مدونتك ام تسع لاكتشاف المزيد؟
لاطبعا اكيد بقلب كتير ف مدونات ههه دة لو اكتفيت بالناس اللي بيعلقو عندي مش هدخل مدونات اساسا بس انا بداوم علي دخول كمدونات لناس بعتقد ان عمرها هي ما مرت علي مدونتي قبل كدة أساسا بس ساعات كتير بكسل اعلق بصراحة سوري

ماذا يعني لك عدد الزوار ...هل تهتم بوضعه؟

طبعا يا باشا دة جمهوري دة انا عايش بالجمهور دةهههههههههههه هوة بصراحة بفكر انزلة عندي عشان اعرف مين غلبة الشيطان وعدي علي مدونتي وهوة ماشي ف امان الله

هل حاولت تخيل شكل اصدقائك المدونين؟

حاولت لأ تخيلت بالعافية اااه مش فزورة بس الناس اللي بداوم علي قراية مدوناتهم أكيد بيبقي في شكل شبحي كدة مش محدد ياعني ياعني مثلا زرياب كنت متخيل له صورة كدة عامة لما شفتة اتفاجئت جت الحقيقة مختلفة شوية بس حلوة طبعا يا باشا التنين حلوين

هل ترى فائدة حقيقية للتدوين:؟

اكيد انت بتقابل ناس زي ما قلت شبهك بتعرف تتكلم أو تسمع حاجات صعب انك تلم بيها من اصحابك برة او اي عالم تاني ع الاقل بالكم الفظيع دة

هل تشعر ان مجتمع المدونين مجتمع منفصل عن العالم المحيط بك ام متفاعل مع احداثه؟

بص هوة في وفي بصراحة بس معظم الناس اللي بتكتب حتي حاجات بعيدة عن مشاكل المجتمع سياسية او اقتصادية او كدة بحس بردة انهم نتاج للي بيحصل حوالينا بشكل مختلف
هل يزعجك وجود نقد ف مدونتك ام تعتبره ظاهرة صحية؟

لا أبدا بس يكون ف حدود اللياقة بس مش اكتر

تخاف من بعض المدونات السياسية وتتحاشها؟ هل صدمك اعتقال بعض المدونين؟
أخاف يا باشا مش بخاف غير من اللي خالقنب ي هههههه حاااسب هوة مش موضوع صدمني هوة اصلا معروف ياعني كل شىء مبين اكيد دايقني لان بحس انهم اصحابي وجيراني ف العالم المثير دة
هل فكرت بمصير مدونتك حال وفاتك؟

واديها لواحد صاحبي اوي وهيكون علي سري جدا لا يفتح الا اذا كدة ياعني اية نظام الافلام العربي اللي انا بعملة دة
آخيا ساتر يا رب بصراحة مجاش علي بالي خالص الموضوع دة الشر برة وبعيد بس انا هفكر اكتب الباس ورد ف ورقو واحطها ف جواب ر سؤال : تحب تسمع أغنية إيه- بلاش صيغة آمال فهمى دى - ما الاغنية التى تحب وضع اللينك الخاص بها فى مدونتك؟
مممم هي بتختلف حسب البوست والحالة المزاجية بس انا قتيل حاجة اسمها احمد منيب ومحمد منير

اكتب اسماء خمسة تمرر ليهم الدور
أي حد يمر ع التدوينة دي وحابب يعمل التاج يا ريت ما يتاخرش عشان حابب اعرف رأي بقيت المدونين ف الموضوع وعموما مش لاقي اسامي معينة حااس ان الكل اتبت لة وبيشرع فية ياعني بس باكد علي شغفف شغف تاكيد لفظي ولو هوميروس حبيبي ما كانش هوة الي بعت لي اصلا كنت مررت لة علي طول

وانت عامل اية دلوقتيييي؟

عن دوائرك يا مسكين2

من وحي قصة إدمان

معا..في إتجاه واحد

..................

....................

ثم

معا أيضا ف إتجاهين يرسمهما الضد

هنااك

تبقي المسافة اللعينة فقط تعليلا منطقيا للخروج الهزيل

كما تبدو النهاية دوما لغة سخيفة للراحة

أما أحبك لزمة من لوازم الألسنة البريئة في أحداث لن نتذكرها جيدا

أما احبك للابد؟!.يا له من إفّيها تاريخيا

يا حبيبي ما سبق كان عبئا دراميا ضفه من فضلك الي سلسلة مسلسلاتك المهملة احيانا والمملة دائما

مطارح

إنهض من علي ركبتيك,أدر وجهك عن قناة الجزيرة

ثم إدخل قلب الشرنقة الترابية المبللة بالدموع المرهقة حتي حين أو الي الأبد

أما أنت:ضع من فضل سيادتك مكان عينيك مشهدين من فيلما امريكيا واقعيا

,إنهض,أنظر للمرآهالخاصة ستجد كلبا تعلم الخيانة فقط من كراسية الوثيرة

ثم أنظر مليا ستري خيطا من دماء يطوق عنقك

حسنا.......... استمر هكذا حتي يأتي الطوفان

لاداعي لمزيد من المشاهد المفزعة,إنسحب من هذا الجو,حضر ورقة مستهلكة,سطّر تدوينة حقيرة ثم أدر وجهك لها أيضا

إتجة قبلة المشرق أشر بعلامتي النصر أو الشهادة

إمضي بضع خطوات إلي أن تسقط كريما

عن دوائرك يا مسكين

تماما

مثل شمع أخضر يذوب فتنجلي الثقوب تباعا,يتدفق فيهم نهر من زمن طالما إنتظر طويلا,

تنثر نسخ من وجهك الثابت ف المرايا الشبحية,

الآن فقط.......لك أن تعيد تجميع أشلاء وجهك المتناثرة ربما يبقي فيهم شيء تعرفه

فأنظر لهم إذن بغرور مصطنع,وإدعي أنك لم ترهم من قبل

اطلق ضحكة طويلة ثم إندثر ثانية في زخم دوائرك المتشابهة

أأقولك؟ شممها بصل!ز

بيانات من عند الناس التانيين:

م

نطقة البازرميت طلعت دولة وذات سجادة أقصد ذات سيادة

جنديين من منطقة البازرميت خطفو وهذا يعد خرقا للقوانين البولية وإنهيارا للعدالة وإنتهاكا لحرية منطقة البازرميت ذات السجادة

الوضع العام في ظل أطر إعتباطية متأخمة مليئة بالإنعكاسات الإنتهازية يدفعنا بالضروزرة الي التعامل مع الصورة الراهنة بمبدأ أن تعويرة الوش مفيهاش معلش كما أبدي بوحة في تصريحاات سابقة

هذا ونتيجة لسخونة الأحداث كما ترون وتدخل بوحة بذاتة ونفسيتة كان لابد من

بيان عاجل من المتحدث الرسمي باسم حارتنا السد

.

أعرب عن بالغ قلقي ومنتهي استهبالي تجاة التداعيات الحادثة علي الجبهة وأخالف الأخ بوحة في تصريحاتة وأؤكد أن لمنطقة البازرميت كامل الحقو ق في معلش وأطبطب وأدلع وعندي أنا السحلب دة لكن أهم ما يشغل فكري الجامد أوي زي ما أنتو عارفين أن أطمئن علي الأنسة هيفاء هل طابت الواوا بتاعتها ام تحتاج علاج علي نفقة الحارة اللي فكتها طارشة أصلا

بيان عاجل من كل مشايخ الحارات المجاورة:

لو سمحتو هوة مين ضرب مين إمتي؟ أصل انا كنت باخد حمام وبيني وبينكم كدة كل خد عندي علية خوخة وكدة ياعني ها؟.....مين؟ عموما أنا جاي 6 7 سنين مسافة السكة

اّاّاّ.........هه وأنا من موقعي هذا وتضامنا مع لبنان الشقيقة قررنا

1 وضع أطبائنا وممرضاتناابل وسيارتنا الأسعاف تحت تصرف الدولة اللبنانية....... لا لا داعي للتصفيق ولي هذا الزمن نحن في زمن الفعل

وقد فررنا أيضا تجهيز خيام من النوع الفاخر لكل المشردين.

والسلام عليكم

واحد جاي من بعيد:طب بقولك إية ما نقدم كمال أاجسام ااّّه والنبي بجد

بين الرحيل والعودة

لا زلت تعتبرها

ديكورا خاصا لذاتك المهملة

نسخ مكررة من تهاويمك الأبدية

أمزوجة ممسرحة لكل العابرين فوق جسدك الصغير وعالمك الأصغر

ترياقا مرا لسمومك المدمرة لكنة الترياق الوحيد

أما هي

التطفل والكبرياء

الثورة والسكون

الحياة والموت في آن واحد

تتحمل أحلامك الباهتة تشهد عن قرب ألف مشهد قتل لك,تعود مضرجة بالدماء في كل مرة ,تستحم,ترتدي الوشاح الأبيض الملائكي وترافقك من جديد في الرحلة الطويلة.........................اليوم فقط يبدو الوشاح في عينيك كفنا مستعدا للطي تطوية,تخنقها وتلقي بها بعيدا ثم تكمل وحدك

حسنا فانت الأن قادرا علي تحمل أحلامك الباهتة وأسرارك التافهة وعالمك الغبي

إستطعت بعد فترة ليست بالطويلةأن تفرق بين وعاء المربي ودولا ب الملابس بين صينية البطاطس وبنطلونك الجينز

إستطعت أن تضع سببا منطقيا لتوترك الشديد وعدم القدرة علي النوم

لكنك.......حتي الأن لم تستطع أن تضع سببا واحدا لإمساكك بالقلم كي تفعل شيئا قلت أنك هجرتة وطلقتة بالثلاثة.ز

.

أتدري؟..... لازال بينكما شيئا ما

ربما علي الأقل نظرة طويلة بها شيئ من العتاب المتبادل

من منا ترك الأخر؟؟

نص دستة أشرار

إستجابة لمطلب الأخ كمانجة وإعلاء لمبدأتفضحني أفضحك وتماشيا مع نهج بدأه واحد صاحبنا قررنا نحن شبابيك نشر قائمتي علي حبل الغسيل وقد قررناأايضا وضع الأسماء بالترتيب الهجائي ولكن بالعكس فنبدأ

هوميروس:لا يعنية الدوران الكثير فهو أبدا ليس بالبرجل

فقط يظهر ف لحظات معينة كي يضع خطا رقيقا تحت هذا الموقفأاو دائرة حول تلك اللحظة الفارقةأو منديلا يكفن به قصائده ثم يمر ويمر بسرعة لا تجعلك قادرا علي إمتصاص كل خطوطة لكنك تجد نفسك مجبورا علي تتبعه دائما

..

كامنجة:لأن ريشتة ولدت فنانة فهي قادرة أن تحلق ف الهواء أحيانا,تطفو فوق سطح الماءاحيانا أخري,تتداخل الخطوط والدوائر في نسيج شفاف يعجبني تألقة ف الفراغ ويعجبني أكثر أنك لا تمسك خطا وتستطيع تتبعه حتي النهايةإذيذوب بين يديك وكأنه الفولاتيل أويل

.

فنجان قهوة:إذا ما تركت نفسك فبتاكيد سوف تغوص في عالم بلون القهوة ولون الليل تتهادي تنعس فتغطيك بنفس اللون ثم تصعد هي ملاكاابيض بريء كأنها لم تفعل شيئا علي الإطلاق لكن هذا لا يمنع أنك تود دائما مشاركتها فنجان القهوة خصوصا إذا أضافت إليه قليلا من السكر

.

غادة الكاميليا:لا تعنيها كل المهاترات السابقة

فقط تبتاع مزيدا من الألوان والأزهار والزينة لتهيئة الإطار المحيط بحلمها البسيط لم تتعب أبدا من الترحال والدوران كثيرا كل ما يهمها الأن أن تجد شيء ما يشاركها هذا الحلم

هو لا ياتي وهي لاتكف عن الإنتظار

عوليس:ربما تشعر به يقبع في نقطة معينة في ذاتك وربما تشعر به في أبعد نقطة يستطيع خيالك تصورها,

تستمتع بحميمية الإقتراب وتستثيرك كثيرا النقطة الضحلة وربما تنظر لها بابتسامة غامضة مثلها لكنك لا تستطيع ان تقتلع من ذاتك فضولا طفوليا لتحديد مكانه بالضبط!!ز

شغف:دائما ما كان يهتز قلمها فقط بدلا من الخطوط كان يصنع نقاط مرتبة تبعث منك طفلا مرة رجلا قويا مرة ملاكا مرة همجيا مرة اخري تفرش لك طريقا أبيض بينك وبين المجهول وسلما صغيرا بينك وبين احلام دائما ما تحسبها بعيدة

لكنه في كل الأحيان بدون أن يدري أو تدري يضع الحياة والموت في ميزان واحد كانت قادرة أن تضبطه بيدها.

ملحوظة بعيدا:إنتي فبن با شغف مسحتي البوستات كلها إوعي يكون اللي ف بالي ربنا يستر..

بين طرفي النهاية والبداية

عندما تسترد الأشباح عافيتها فتنفض الغبار,تتنفس بدلا منك,

تخلع مساميرا ثبتها من زمن ف الطرق والجدران عندما كنت تتزلج مثلهم فانزلقت مثلهم أيضا

عاد من عاد واختفي من اختفي

وبقيت أنت ثاوياعلي ركبتيك مفترضا وجودك الهزلي علي نقاط عديدة تراقبهم من بعيد,

تلتقط بذكاء لحظات دفء من الوقت المستحيل معبأ بإرهاق البداية الجديدة وشهوة التجاوز.

ع الأفيش

الآن
تتهدل الطبقات واحدة تلو الأخري,فيستوي البناء الإسفنجي وتضمحل القوة المزعومة,تتضاءل,ترقد مادا زراعيك فتنزلق فوقك الأواني والأكواب الفارغة والقصص المبتورةوالروائع الهزلية

وقبل ان تستعيد لحظة عذوبة وتنهض تبدل ملابسك الممزقة بملابس جديدة كان يجب أن تتذكر أن المشهد السابق عاديا جدا بل وقابل للحذف أيها الكومبارس العظيم

رسالة

الي الفنجان الرمزي المندهش

أعرف أني لم يعد فيّ نفس لأي شيء,لكن الليالي المريرة علمتني

أن بقعة ضوء بعيدة ربما تبتلع الظلام لحظة ما

ان التخفي بين الورقة والقلم وبروفات الانتحارأرحم بكثير من الموت الكلاسيكي

فلأرتدي ملابسي الآن وأقلب صفحة أخري ولأجمع م ن أنفاسي الشاردة شهقة كتابية

ولأشّكل من دمي الذي لم يجف بعد لفظا من عودة وبعضا من تراتيل البقاء

شبابيك

tagged

أولا لازم اعتذر لميروس كان مفروض ابدا بالتاج اللي مررة ليا لكن ايامها انت عارف ماكنتش بكتب خالص اصلا وبعد فترة يمكن فكرت انزلة لكن حصل لي ازمة كدة صعبة شوية من اسبوع كدة والحمد للة مرحلة الخطر عددت وبدا الموضوع يخف شوية ولما فقت منها حسيت اني محتاج افكر تفكير ايجابي (زي ما بيقولو بتوع علم النفس وزي اللي شغف بتفكر في)فقررت اعمل التاج دة

ثانيا الجواب صعب يا شغف يمكن لان التحدث بصفة الانا وكتابة كمان من الحاجات اللي عايش فترة كبيرة بشك فيها وعندي تحفظ عليها لكن مادام انتي اللي بعتية يبقي انتي الي اخترتي بقي

اقول حاجات بحبها ف الدنيا ها صح عشرين

ربنا سبحانة وتعالي بجد واللة العظيم الفترة اللي فاتت وطبعا كل الفترات دعيت ربنا ف عز الازمة وسبحانة وتعالي كتان نصيري لحد ماعدت الحمد للة

صوت الشيخ محمد الليثى وشعبان الصياد

النجاح ف الدراسة

الامتحانات لما بتخلص

صاحبي الانتيم لما اتكلم معاة ف حاجة جد

وقت الشروق

رمضان بلليل وليلة العيد لحد بعد ما نطلع م الصلاة

احضر افراح اصحابي مش قرايبي مع ان اخري بسقف اصلا

البارفامات

اللبس

ملحوظة مش عشان الناس تبص وتقول دة لبسة حلو ولا ريحتة جميلة لا بس عشان الحالة نفسها حالة اني اشتري لبس جديد او البس كويس وطبعا المظهر بردة مهم كتير

اغنية شجر الليمون لمنير والاغاني القديمة بتاعة عمرو دياب

البيانو والقانون

افلام الرعب التاثيري وافلام يوسف شاهين الي ما حدش بيفهم منها حاجة ولا انا

الفلسفة و الكلام اللي بيروة عن المخابرات امريكية روسية مصرية اي حاجة

التحاور مع ناس بتفهم ساعات بيبقي دقيق وحاد زي ما تكون ماشي ع الحبل بس لذيذ خصوصا لما حد بيقع

الاكل برة البيت

صينية البطاطس ومحشي ورق العنب اللي ماما بتعملهم خرافة

الهريسة الاسكندلااني بتاعة ابو حسين الشيكولاتة

طبعا كدة عديت التسعين بس ما تخافوش انا لسة خمسة وتمانين بس

بحب عصير القصب اوي بس بنكسف اشربة ف الشارع لوحدى

البحر

الرياضة ممارسة ومشاهدة(الواد رونالدينهو بتاع برشلونة بيعزف كمانجة يا ناس مش بيلعب كورة)ت

بمرر السؤال ل

هوميروس

كمانجة

فنجان

والسؤال اجباري اللي مش هيجاوبة انا مش هسقطة ف الامتحان لاقدر اللة لا انا اصلا ممكن اخطفة واساوم علية

وداعا شهيد - أقصد - شبابيك الف ليلة

الكتابة؟!

أسمحولي أولاأحاول أ ضع تعريف

1-تعريف أنيق:الانفلات من المجهول الفوضاوي الي المجهول المنظم.

تعريفات اخري:انثي ناعمة لكن مليت دلالها وسكرها الزايد

وساعات راجل عجوز مفرط ف التشاؤم

وساعااات كتير سرااااب

خبر مهم:دخلت الكتابة كفعل لقائمة المكررات

المحاولة.....فالفشل فالكتابة عن المحاولة او ......الفشل

المحاولة ...فالنجاح......فالخوف م المستقبل فالكتابة عن الخوف

بقت زي الاكل المكرروالخوف المكرر والتعب المقرر

كنت بلملم حكاياتي التافهة وحلمي الاتفه وعناقيد فشلي وأرتبهم فيها بشكل رقيق يمكن ومبهرج ساعات.

بكتب عن فشلي شوية وأفشل ف كتابتي شويتين لحد ما بقت الكتابة والفشل توأم ف فريق المكررات بتاع محمد..

كمااااااااان بقي فيها كتير م الرحيل

كتير م الأحلام المدبوحة

كتير م الغضب ع الظلم

ع التعتيم

ع الكدب

ع الفشل

بقي فيها قلقك يا ياسمين وشجنك يا عبدة وحلمك يا غادة وبراءتك يا اية وطموحك يا مي........يا غريبة

بقت شبة كل المكررات لحد ما بقت مقرر شايل مكررات

ياااااااااا خلاص شكلك كدة جالك رمد ربيعي زيي لازم تاخدي هدنة شوية كتير وتاخدي الدوا ف مواعيده

حتي القراية بقت خطر علي عيني والكتابة خطر علي صحتي وانا والقراية والكتابة بقينا خطر ع المجتمع

ياااااا معلش يا حبيبتي كان نفسي اخرج بيكي م القائمة السودا بس انتي عارفاني من أول ما بقينا اصحاب برفع الراية البيضا بسرعة ويمكن

بردةلأن ريحة الملل فاحت منك زي ما فاحت م الصاحب والقهوة والبيت والنت والمعمل والنادي و

بصي زي ما اتعودت أتمرد علي كل حاجة ف شخصك وبعدين أنتي خنتيني وبقيتي انتي كل حاجة قررت أتمرد عليكي انتي كمان يمكن احس بالتغيير وما تزعليش هنفضل كلنا اصحاب(انا وانتي وهما والراية البيضا

اصحابي تاني من غير اعادة اسماء

حبيت الكتابة فيكم وحبتكم ف الكتابة

اتوجدت بينكم طفل واستحملتم صراخي وصوتي العالي وضحكتي البيضا

ودلوقتي

بقول لكم ادعولي وانا ف دنيتي الجديدة واسمحولي انسل من وسطكم ف هدوء وصمت

حابب ارجع لميدو الشقي لمحمد العادي عايزز اشوف ه هيقدر يشوف الكدب ازاي؟

حابب اكتر ارحمكم من عقدي واحلامي المفزعة وارحم القلم والورقة مني ولو رجعت هنا تاني اكيد هجيب لكم معايا منظر طبيعي

او وردة واهديها لكم ع البلوج........

الي شتائية الكاميليا

نزخرف الأماكن الشفافة

ننثر ف الطرق والممرات

مفتتح,حلما عفويا,سيناريو علي طريقتنا ورجاء

يغسلها المطر

نستسلم لفيروز,نتكأ علي وسادة من وهم

ثم ننتظر

فلربما تدور الليالي دورتها لتلتقط منا حلما جديدا

أو ترد لنا الطرقات دينها القديم

استنتاج من مسلسل ممل

لأنك لست مجرما بالفطرة.

كان ضروريا ان تبتعد قليلا

او تدير وجهك, تجفف ملابسك بسرعة,تعيد بناء الشرنقة العتيقة

.ثم تنسحب للأبد

امضاء:هارب

قصةأزلية

كنت دوما افصل من المفردات الجامدة قطعا صغيرة وربما تافهة لكنها كانت قادرة ان تساعدني علي الحياة اقصد التخفيف من حدة الحياة.هذة الليلة وما قبلها وما بعدها مزيج من ارهاصات عمر عرضي تخنقة تراجيديا الاشياء.
الزمان1:استيقظ,افطركي اخرج ارنو لاصدقاء الشارع بابتسامات معتادة او احنق علي حرارة الجوثم اعود بجريدة او خالي الوفاضمتعبا,اخذ قسطا من الراحة.الزمان يبدو روتينياياخذ تدريجيا ف الجمود حتي يكاد يصل الي مكان.
المكان1:كل ادوات المكان البالية تاخذ جانبا,الادوية,المرضيوطاقم الصيدلية,الصحبة القديمة علي المقهي وميدو اللذي صاحبنا بتعليقاتة.المكان كلة يبدو مهمشا

المكان والزمان يهجران اطار الاشياء الصغيرة.

الزمان2:لا اراديا يهمل اظافرة وشعرة ولحيتة وملابسة.يصبح انسانا اشعث يقبع في زمن بعيديلغي ملامح الزمن)عشق,هجرة,فراق,.)يحمل الي هناك فقط اسقاطات تجريدية للاماكن.

المكان2:يترك الصيدلية,يغير المقهيالمعتاد,يطلي الشعور الوان شفافة,يهجر اصحابة المخبولين,ثم يفكر في عنوان مناسب لقصتة الاخيرة.

مكان وزمان2:لا وقت للتفكير تم اخيرا اكتشاف الكوكب الحادي عشر.

من المسرح الكبير

1. البطل:استاذ جليل يلقي سوالا هينا بيد ان كل تلاميذة فاشلون.يجري خلفهم ويركضون ورائة علي حدود الدائرة فلا نقف ولا يقف بل يبقي فينا مدارس الحزن السرمدي.
2. الشفق.........الاصيل......الليل يتلاشي الزمان وكأنه لم يكن ويرحل مني المكان رويدا رويدا وكاني لم اكن.
3. يبدو ان مرادف الاوجاع ذكري واصل الذكري غد اتي قبل اكتمال الامس.
4. الماساة:متعتك بمشاهدة العرض الاول وجهلك انة العرض الاخير.

بمبي

بمبي

هية يلا يا اصحاب بينا نفرح بينا نمرح هيية يلا ف احلي ليلة فيها شجر الحب يطرح.

فاكرين الاغنية دي.؟

زمااااااااان.......اطفال.......سذج ياعني

ومالها السذاجة؟وحشة؟

عيب؟دة حتي يبقي عيب ابيض نضيف مش زي عيوب الايام دي

زمان يااة علي زمان كنت لما بتعيط تلاقي شيكولاتة من هنا وبمبوني من هنا ودبدوب شيك من هنا وكام واحد وواحدة بيدادو,اما دلوقتي تبكي لوحدك-اااة ما انت بقيت كبير-ولا حد يعبرك.

زمااان عمرك ما سمعت اغنية وقلت يا بتفكرني بصاحبي اللي خانني ولا حبيبتي اللي سابتني لانك ما كنتش تعرف معني صاحبي ولا كلمة حبيبتي بتعني اية ف المعجم.

زمااان عمرك ما ذاكرت وحاولت تنجح وفشلت ولا جربت تكتب مدونة زي دي كدة وطلعت ضعيفةزي عنيك اللي بتضعف وشعرك اللي بيصلع.

فاكر الكورة البلاستيك والعجلة اللي بتطلع ف الصيف بس فاكر الصيف والشتا كنت بعرف انام بالليل بعد ما العب بالعجلة اللي بتطلع ساعات بالليل...دلوقتي بيطلعلي م الليل عفاريت راكبة عجل....

ياااااااااااااا

كبرت يا ابو حميد وفهمت وعقلت وبقيت شقي شوية اكتر

بس شقي شايل ذكريات سذاجتة ف كل حتة

ياااااااا الكلام الكبير بدا يظهر اهوها طيب

مش عارف لية لما كنت طفل كنت اشوف الناس كلها حلوة ولذيذة وابتسامتها زي عين الشمس واسعة.

تفتكرو لو رجعت ساذج تاني اشوفهم كدة بردة؟طب تفتكرو لو رجعت ساذج هشوفهم كدة الاول ولا هيقولو عليا عبيط الاول؟

ياا تعبت اوي نفسي ارجع عبيط

تيجو نقللب ف شوية السذاجة اللي فينا وندهن بيها وشنا شوية ف وقت واحد.....ونكمل.....ونشوف شكل الحياة اية؟

بمبي؟

ااااااااااة يمكن!

يمسيك بالخير يا منير

اما هي فلازالت سيدتي

في قلب مدينتها الصامدة كان منزلها الصغير وفي الطابق العلوي تدق الثامنة مساء تتصاعد الهمسات المرحة ثم تحتشد الفتياتحولها هذة تصفف شعرها الكستنائي الطويل وتلك ترصعها بالجواهر اما تلك فتعد وجهها الابيض لساعة الزفاف بحذق شدسد وهي لازالت تتكا علي المقعد الدائري تسكن المراة وتعد روحها بحذق اشد انتظارا لقرينها الوسيم وفارسها الشجاع تخالة يركض نحوها بخفتة المعهودة متقدما اصدقائة واحبائة ,تضع يدها في يد صديقتها وهي تنهض تدق التاسعة وتدق الاصوات في اذنيها من خارج الشرفة تزيح ستار النافذة فيقدم مسرعا لكنة هذة المرة كان مستلقيا علي ظهرة محمولا علي الاعناق بين اصدقاءة واحبائة.

تجديد

1. في هذا اليوم بالذات وتلك الساعة المسائية كان الكل تحدو الرغبة ف التجديد(انا وهو وهي(
2. هي:انتهتتوا من الثرثرة التليفونية,جلست تتناول الطعام الطازج,تجذب حقيبتها,تقلب مساحيق التجميل وتعد حمام الكريم الاسبوعي,تغسل وجهها,ترتدي ملابسها وتذهب لاحضار الالبوم الجديد لمطلربها المفضل تعود لتاخذ قسطا من الراحة,تسرع ف الصباح الي المسرح ترتدي ملابس جولييت وتبدا البروفة.
3. هو:بالكاد قد رحلت احدي ايامة السريعة بعدما انتظر الرحيل من بداية اليوم.هناك ودع اصدقائة علي المقهي الجديد.
4. هناتغشاةخيمة السماء النفعمة بالحيوية لازال يطارد الوجة البرىء التائه ف ليالية القديمة,يجلس الي الحاسوب يجرب لعبتة الجديدة ويستقبل اخر ما ورد من رسائل قصيرة,يشبك اصابعة خلف راسة ويتكا علي المسند وبالبتسامة بلهاء يداعب احلامة الطويلة ثم تتردي ملامحة الي الاسوء فهو برغم مهنتة النتجددة لازال عاديا وقديما بل وقديما جدا.
5. انا..؟؟تكاد تصرعني اصوات الليل فانتفض,اتطلع اليهم ف الحجرة الكبيرة,ابادر بكتابة نص ادبي ساذج وربما مبتذل.