الكتابة؟!
أسمحولي أولاأحاول أ ضع تعريف
1-تعريف أنيق:الانفلات من المجهول الفوضاوي الي المجهول المنظم.
تعريفات اخري:انثي ناعمة لكن مليت دلالها وسكرها الزايد
وساعات راجل عجوز مفرط ف التشاؤم
وساعااات كتير سرااااب
خبر مهم:دخلت الكتابة كفعل لقائمة المكررات
المحاولة.....فالفشل فالكتابة عن المحاولة او ......الفشل
المحاولة ...فالنجاح......فالخوف م المستقبل فالكتابة عن الخوف
بقت زي الاكل المكرروالخوف المكرر والتعب المقرر
كنت بلملم حكاياتي التافهة وحلمي الاتفه وعناقيد فشلي وأرتبهم فيها بشكل رقيق يمكن ومبهرج ساعات.
بكتب عن فشلي شوية وأفشل ف كتابتي شويتين لحد ما بقت الكتابة والفشل توأم ف فريق المكررات بتاع محمد..
كمااااااااان بقي فيها كتير م الرحيل
كتير م الأحلام المدبوحة
كتير م الغضب ع الظلم
ع التعتيم
ع الكدب
ع الفشل
بقي فيها قلقك يا ياسمين وشجنك يا عبدة وحلمك يا غادة وبراءتك يا اية وطموحك يا مي........يا غريبة
بقت شبة كل المكررات لحد ما بقت مقرر شايل مكررات
ياااااااااا خلاص شكلك كدة جالك رمد ربيعي زيي لازم تاخدي هدنة شوية كتير وتاخدي الدوا ف مواعيده
حتي القراية بقت خطر علي عيني والكتابة خطر علي صحتي وانا والقراية والكتابة بقينا خطر ع المجتمع
ياااااا معلش يا حبيبتي كان نفسي اخرج بيكي م القائمة السودا بس انتي عارفاني من أول ما بقينا اصحاب برفع الراية البيضا بسرعة ويمكن
بردةلأن ريحة الملل فاحت منك زي ما فاحت م الصاحب والقهوة والبيت والنت والمعمل والنادي و
بصي زي ما اتعودت أتمرد علي كل حاجة ف شخصك وبعدين أنتي خنتيني وبقيتي انتي كل حاجة قررت أتمرد عليكي انتي كمان يمكن احس بالتغيير وما تزعليش هنفضل كلنا اصحاب(انا وانتي وهما والراية البيضا
اصحابي تاني من غير اعادة اسماء
حبيت الكتابة فيكم وحبتكم ف الكتابة
اتوجدت بينكم طفل واستحملتم صراخي وصوتي العالي وضحكتي البيضا
ودلوقتي
بقول لكم ادعولي وانا ف دنيتي الجديدة واسمحولي انسل من وسطكم ف هدوء وصمت
حابب ارجع لميدو الشقي لمحمد العادي عايزز اشوف ه هيقدر يشوف الكدب ازاي؟
حابب اكتر ارحمكم من عقدي واحلامي المفزعة وارحم القلم والورقة مني ولو رجعت هنا تاني اكيد هجيب لكم معايا منظر طبيعي
او وردة واهديها لكم ع البلوج........
Posts
13 comments:
وتفتكر هنسيبك
ريحة الملل والتعب بتطل من المدونه ليه يا شبابيك
طيب لما تمشي يا شبابيك هبص على الدنيا من أنه شباك ؟
قولي........
والمصحف انت بتستهبل والله لو الكلام ده بحق هستعمل معاك القوة واخليك تكتب بالأكراه اوعي يكون بجد ياد
احنا ابتدينا سوا ويانعيش عيشة فل يانموت احنا الكل
وانت وقفت هنا طب ومشروعنا التاني هو يمكن في ريحة فشل بتفوح منه بس اكيد لو اهتمينا بيه شوية هينجح افتكر الكلام الحلو اللي سمعناه اول ما بدأنا وحماسنا
والراية البيضا بتاعتك دي هتبقي راية بيضان عليّ وانا مش هسيبها بيضا انا هرشها لك بوية سودة وارسم عليها جمحمة
وعلي فكرة محمد الشقي كان موجود في الكتابة
بس لو بجد ده قرارك انا هحترمه بس انت يخلصك تسيبني
لما قلت لي الكلام ده انا افتكرت افتكاسة انما لما قريت انا مسكت نفسي بالعافية مسكت نفسي عن النرفزة وتكسير الكمبيوتر وعن العياط وعن اني اجيلك نخلص الموضوع ده باي اسلوب
روق كده وخد الوقت اللي انت عايزه هدنة بس اكيد ترجع تاني
الله ينكد عليك انا كنت داخل مبسوط
انت حر يامحمد اقفل شبابيكك بس ماتطولش عشان انت كده قفلت شباك مهم عندي
أخخخخخخخخخخخخ
بكرة تندم يا جميل عللى بتقوله ده
هو اانا آجى انت تروح؟
هو ايه؟
إذا حضرت الشياطين ذهبت الملائكة؟
وانا اللى كنت باستمد منك القوة و الصلابة والروح الكتابية القتالية
ملحوظة:
أنا باشتغلك طبعا
أنا عاوزة أقولك لو فعلا عاوز تسيب الكتابة لفترة سيبها بجد
انك تعيش بعيد عن العالم ده و انت متزن دى ظاهرة صحية جدا
و انك تبطل تدمن عالم التدوين الكئيب دى بالنسبالى انا شخصيا أجمل شئ ممكن اعمله
أجمل حتى من انى أعمل رجيم و اواظب عليه
صدقنى مش مأساة إنك هاتسيب الكتابة لفترة
و مش مأساة برده انك ترجع محمد العادى بتاع زمان
المأساة إنك تكون مكرر زى مانت بتقول
وانا اتمنالك انك تستعيد فرديتك فى الفترة دى و ترجع _لو هاترجع_ أقوى و أحسن و أكثر تميزا
أختك فنجان
بجد اترددت كتير اني اكتب لكم رد بسرعة مش عشان مش بدخل ولا استمرار لحالة الملل اللي انا فيها بس لان بجد مش عارف اقولكم ايةزيادة حاسس اني قلت كتير ف البوست بس كان لازم وواجب اشكر كل الناس اللي سالو عليا
غادة وميروس وساشا وفنجان وشغف ميرسي جدا يا جماعة
وبيحضرني جملة انا قلبي كان شباك بس الهوي شبّاك مش بس الهوي والمطر والتراب والحياة والناس ادعولي وانا بستني بكرة.
إنت بطلت تكتب بجد يا عم؟؟؟؟؟؟؟؟؟؟؟
عيب والله
ارجع ياعم بقي
هاااااااااااامييييييييييييييييييييس
عووودى الى آتووووووووووون
هو انا ما جيتش المدونه دي قبل كده !!
غريب اوي
عموما شكرا لغاده الكاميليا اللي بتعرفنا سكك الحاجات الحلوه دي
انتوك
بجد مش هقول غير ان كل التعن اللى انت فية اكيد عشان كدة
ارجع كدةكفاية اوى
وانا بنستناك
كفايه بقى
على رأى الفنجان
عودى إلى أخيتاتون ..........عودى عند الفجر
أنت كدا ما حصلتش حتى شعبان عبد الرحيم لأنك لما جيت تخلص ماقلتش
(بس خلاص)
شفت الدنيا بتعمل ايه فى الواحد عموما ربنا ينتعك بالسلامه يا.....شبابيك
Post a Comment