شبابيك وشبابيك وجهان لعملة مزيفة

شبابيك:اية الي انت عملتة دة يا ابني إنت مجنووون رسمي

تقريبا كدة يا باشاا

تاااااااني؟ هوة مفيش فايدة
مفيييش


هوة انت هتفضل كدة علي طوول
وعلي عرض كماان


بطل الطيبة دى بقي شويتيتن والنية الحسنة دي جتك نيلة

يا ملافظك

إنت مبسوط كدة؟

اااه مبسووط بس اية الي مش هيبسطني انك تسالني باداة سوال اسمها ليه

مممممم

إنت اية يا بني:

أنا شوية حاجات فوق بعضهااا متداخلة ومتراكبة بطريقة عنقودية لا بتنجانية ملتوية

إنت فاكر نفسك ذكي يا فالح

لا

إنت عايز اية بالضبط يا إبني؟

هوة الواحد لازم يكون عارف هوة عايز ايه بالضبط

آآآآه يا لمض لازم

طب ما تقول اية تاني لازم عشان اعرف اللوازم كلها علي بعضها

بطل فلسفة ووسحاب غريب بتعمله حوالين نفسك

حيلة يا باشا بلجألها علشان أعرف أبعد وانا مستريح

ألا صحيح يا شبابيك هوة انت بتستريح لما بتبعد ولا بتبعد لما تستريح

أديك انت اللي بتتفلسف اهو

هوة إنت لية حياتك كلها اسئلة ف إمتحان نموذج الاجابة بتاعته إتحرق من زمااان؟

انا مش هجاوبك يا شبابيك بس انت عارف بالرغم من انك عمال تقطم فيا وتتريء عليا وانت عارف أصلا إني مش ناقصك بس بردة بحس انك بتيجي ف اللحظة المناسبة الي أنا ببقي محتاج لحد فيها بعنف حد يكون برخامتك دي يا رخم