Thursday, March 29, 2007

بدايةجديدة بعد فترة انتقالات شتوية


الاغنية دى ايقاعها تحفة تحفة



برغم إنها بتتكلم عن حاجة وتجربة مريرة الي حد كبير وصوت وائل بعشقة اصلا لانه صوت حساس فعلا وجميل

لكن ايقااع الاغنية مش مدي أي فرصة لأي تفكير غير الحركة بس


مش عارف دة عيب ولا ميزة ولا ايه بس


قمة النشوة اللي ممكن تحسها لما الاغنية دى تشتغل سي دي نقي شويتين بصوت عالي مع إكليزرطبعا ف عربية جيب قديمة وانت لااللي تكون بتسوق خصوصا لو علي سرعة عالية بقي باليل ف الهواء الطلق لوحدك أو مع الشلة الفاقدة بتاعتك


إحسااس رهيب بتبقي عايز تقوم ترقص فوق العربية وأي حد قاعد معاك بيبقي عندة نفس الإحساس


الواحد بعديها بفترة بيحس انة بيرقص بمنتهي النشوة مش مهم نفصص النشوة يمكن ع الأقل نشوة تعبيرية أو يمكن نشوة


هستيرية مش مهم المهم إن إحساس النشوة دة مش بالبساطة والسهولة انه ييجي لحد مش عارف اشبهها باية بالضبط بس


حاجة كدة عاملة زي ازازة الويسكي اللي اصلا عمري ما شربتها بيس بتروح ف دنيا تانية ما علينا الواحد زي ما يكون بيرقص علي مجموعة من الجثث أنا كنت برغي شوية علي ما تسمعو الاغنية كلها علي فكرة


سلامو عليكووو

Thursday, March 22, 2007


إلي لقاااء

Saturday, March 03, 2007

الكتااب الأسود

عدا الكتابة ليس ثمة ما يدهش كالحياة
إبن زهراني
وعدا الكتابة والحياة ليس ثمة ما يبهر كالكتاب الأسود لأورهان باموق ذالك لأنه يحوى الإثنان معا حيث تقترب وتتداخل
العناصر الفنية للكتابة مع العناصر الحياتية في حياتنا اليومية لتنتج عملا بحق قادرا علي إعادة اكتشاف الحياة من جديد
وبالتالي إكتشاف نفسك من جديد
لتجدأان طريقة ترتيبك لسريرك أوحتي عدم ترتيبك له علي الاطلاق لا يبتعد كثيرا عن علاقتك بصديق قديم ولا يختلف
ايضا عن طريقتك ف السرد الروائي بعد خمسون سنة مثلا!!!!
فلانة التي عرفتها ف الزقازيق سنة 94 قريبة جدا من تلك التي عرفتها السنة الماضية ف الاسكندرية وليست ببعيدة عن بطلة رواية ستقرأتها بعدعشر سني
!!!!!!
فلسفتة ف التعامل مع العناصر الفنية الدرامية للبناء الحكائي تتكامل مع فلسفته ف التعامل مع الاشياء الحياتية العادية
والتي ستكتشف من خلال قراءة الرواية ان كل الاشياء العادية ليست اشياء عادية علي الاطلاق بل كلها رموز وانعكاسات تخفي خلفها حقيقة ما لتخرج من الرواية بذائقة مختلفة ف التعامل مع الكتابة والتعامل مع الحياة ايضا لذلك
اجد صعوبة بالغة في مجرد التفكير في وضع قراءة لتلك الرواية للاستفادة الشخصية حتي_ ليس كما يقولون كي لا
تحترق فهي ليست من النوع الروائي التقليدي الذي يحمل مسارا معينا ولغزا واحدا بل احتي لا أجد في نفسي المقدرة علي ان أحرقها بطريقة تبدو ممتعة لحضراتكم!!!
لكن
لا أستطيع أن أخفي انبهاري بهذة الفلسفة المطروحة ولا بطريقة الكتابة فقط بل بشيءآاخر هو إتحا الإثنان معا
باموق للعلم لايكتب هنا بأي روابط درامية من أي نوع يمعني أنه يروي حكايات فقط دوائر لا تنتهي لا يطرح لغزا
ويحاول كشفة ولا يحدث نوعا من الصرااع بين الشخصيات_التي تشك ف وجودها اساسا_وولا تصاعدا دراميا علي أي مستوي بل يترك كل شخصية تفعل ما يحلو لها وتحكي بلا أي قيود عن مجرد مواقف وأحداث حتي أكثر من نصف
الرواية لن تجد بينها رابطا أساسيا أو خيطا ولو واهيا ولا اخفي عليكم اني شعرت بمنتهي الملل أوقاتا كثيرة خصوصا ف البداية حتي الفصل الخامس عشر تقريبا
إليكم هذه المقاطع
مثلا في فصل يتحدث جلال عن انحسار مياه البوسفور فيقول
وسط هذة الفوضي التي تشبة قليلا يوم القيامة سترى جثث السفن التي غرقت واغطية زجاجات المياه الغازية.... "وستكون هناك عابرات المحيطات الأمريكية التي ارتطمت بأرض البحر ف اليوم الأخير حين انحسرت المياه فجأة وسط الأعمدة الأيونية
قال لها غالب في احدي المرت أنه يمكن أن تكون الرواية البوليسية مقروءة حين لا يعرف حتي الكاتب من يكون المجرم وهكذا دون أن تغدو الأدوات والأشياء دلائل بفعل الكاتب اجباريا أو علي الأقل سيكون ما في الكتاب ليس خيال الكاتب بل تقليد الحياه
الفصل الخامس
هنا جزء من فقرة يحكي جلال فيها عن مجموعة من الكتاب قابلهم في مقهي واخذو ينصحونة ككتاب كبااار
18ج:القاريء ناكر للجميل كقط
ب 19القط حيوان ذكي وغير ناكر للجميل ويعرف انة لا يمكن الوثوق بالكتاب الذين يحبون الكلاب
2إهتم بمسائل البلد وليس بمسائل القطط والكلاب
الجانب المدهش ف القصة ليس اعتقاد الصحفي العجوز والوحيد انه بطل رواية او كاتبها بل إن كل تركي قرأ بحب هذا ""العمل الغربي الذي لم يقرؤه احد لن يشعر بعد فترة أنه قرأ كتابا بحب فقط بل يشعر ملء قلبه أنه هو الذي كتبه وفيما بعد يستهين هذا الشخص بمن حوله لأنهم لم يقرأو الكتاب
الفصل 15
جزء اخر من مقالة لجلال صاليك في زمن ما
.... لم استطع أبدا إقناعكم بسبب إيماني بعالم دون بطل لم استطع اقناعك ابدا بسبب عد م استطاعة هؤلاءالابطال أن
يكونو أبطالا.لم استطع اقناعك ابدا بضرورة اقتناعك بحياة عادية. لم استطع إقنااعك أابدا بضرورة وجود مكان لي في تلك الحياه العادية
الفقرة اللي فاتت دى يمكن من اكتر الفقرات اللي اثرت في جدا جدا
كان الشيخ زادة عثمان............ يعرف أن اهم قضية يعاني منها الانسان علي هذة الارض الملعونة هي أن يكون نفسه
الرواية دي بدات فيها قراية من
حوالي 6 نوفمبر 2006 الي 3 يناير 2007 وكنت مفضي نفسي تماما مش بقرا غيرها تقريبا
الرواية 37 فصل واكتر من 600 صفحة
شكرا لحسن إستماعكم

Thursday, March 01, 2007

عن أكتر من الف ليلة وليلة

أنثي1
.......هي مين بقي يا عم؟
بتعدي عليكي علي فكرة م الشارع
ممممم
هتشاوّري عليهاا؟
لاااااء
هقولك سر أصل.......
إنتي أول..................., ما جيتي كنتي دبلانة أوي
ألف مبرووووووك
نورا.......نورا........مالك؟ إنتي بتعيطي؟!!
لأن إنتو أكتر ناس حبتهم ف حياتى
.............................
....................ز
............
بفكر إنك بتجيلي أكتر من مرة وتقوليلي ياا إنت لسة مدمن عمرو دياب يا محمد ولسة بتعمل شعرك زيه علي طول وأضحك أوي وأقولك لأ خلااص بطلت مش عشان كبرت وعقلت لكن علشان شعري طيرر ههههههه إحنا بقالنا كام سنة أهو بيغيرو يا نورا
هتهزري طبعا زي كل مرة وتقوليلي أخباار اااه اية بس مش هبتسم المرة دي لكن هقولك ااااه زي اااه زي ااه التالتة
يااااكل ما بتطول المسافة والزمن ويكبر كمية الغموض عن الاتنين كل ما توحشيني اكتر ويوحشني اكتر..............ز
..................
فلاش أمامي:يااااا عارفة؟ كل ما الوقت بيعدي بتأكد إنك مش بس بني آدمة حساسة جدا وجميلة جدا بس
لكن أنا مش عارف اصلا إنتي كنتي موجودة إزاااي؟
عارفة يا نورا لو كانو الملايكة بيخلفو ملايكة بردة؟ كنت رحت سألت فين أراضيكي الايام دي وجيت خطبت بنتك!!!!!!!ز
بس للأسف.الملايكة مش بيتجوزو أصلا!و
النهاية تأتي علي حين غفلة
النهاية يا سيدتي فقط زاد الغافلين والعابرين والتائهين
اأنثي2
سألني فقلتلو كلهم طيبين أوي وحلوين أوي معايا خصوصا محمد
ميرسي جدا يا جميل دة من زوقك
لا بجد إنت حد طيب اوي
.........
آآآه بس مش عارف أأقولها إزاي ما بشفهاش كتير
مممم طب ما توصي واحدة تقولها
؟
صمت وابتسامة تبدو زكية
فلاش أمامي:
تقول لمين اصلا,أنا كنت بحبك إنت يا غبية
محمد عايز آخد رايك ف حاجة؟
أنا؟
...........................
...................
هوة انا قلت لك مبروووووك؟
ههههههههه هههههههههه هههههه
فلاش أمامي:
هوة انا قلت لك حاجة اصلا؟
النهاية يا سيدتي شيخ اعمي كالحب تماما
أنثي3
؟ دة كل ما تشوفني تضحك إفصلي شوية يا بنتي
محماااااد تعالي يا إبني
إزيك يا جميل إية الشياكة دى؟
أحلي إبتسامة شفتها ف حياتي تقريبا
فلاش امامي:هههههههه يا سلاام ع المفارقة
لا بس الدبلة كانت بتلمع أوي آآآه أصلها جدبدة!!!!!!
ز
شهر زااد
4:
إنت رومانسي؟
أنا؟ لا لا مش رومانسي انا
مممم أنا بقول كدة بردة
ههههههه
ههههههه
فلاش أمامي:كنت بصيت ف عنيها اكتر شوية يلا
دايما مش بتسمعيني كويس وأنا بقولك إن النهايات لغة لا تفاضلية ودايما كنتي بتسقطي ف الرياضيات
ودايما كنت مستمتع مش عشان بتسقطي ف الرياضيات
ولا لأني كنت بسقط ف الرياضيات بردة لكن لأنك كنتي معتقدة اننا احنا اللي بنفصل النهاية دايما
نهايات:.ا
:
نهاية خيالية جدا
ا:
سنبقي معا للأبد
نهاية هندية
سنموت سويا
نهاية تقليدية جدا
فراق نمطي جدا إفساحا لبدء حكاية أخري ذات نهاية تقليدية ايضا
دايما مجبورين ع النهاية التقليدية ا
أو يمكن شايفنها لغه مثالية للإستمرار
أنا بقي شخصيا مستمتع جدا بنهاية تيتانيك شايفها أكتر رومانسية ونعومة
كان لابد أن يموت أحدنا فقط كي تجد الحكاية فرصة للتعبير عن الشجن الحيادي والألم الحيادي لتخلق أسطورة بطليها يتسمون بالشفافية والشباب الدائم
هوة ما شفهاش وهي عجوزة أبدا وهيّ بردة ما شفتوش إلا وهو شاب دايما
إية رأيك يا شهر زااد
؟
..........شهر زاااااااااااااااااد:
بيتهيألي جه الوقت بقي عشان تنجحي ف الرياضيات!!!!!! ى
.