25سنة بالارقاام خمس وعشروون عاماا بالحرووف العربية دي مش تيمة جاهزة ف فيلم عربي من بتوع السبعينياات أومسلسل ولا اعلان عن احتفال ليوبيل فضي لشركة دة يوبيل فضي بردة بس لعمري ولسة حتي مش عاارف المفروض يبقي احتفال ولا ايه يمكن الكلام عن العمر والحجات دي ف اغلب الأحيان بيبقي قاسي شويتين وصعب لكن عيد ميلادي انهاردة يختلف عن اي سنة فاتت يمكن كنت زماان قبل المدرسة كنت فاكر لما أجي العب ويعملو حاجة معينة بالأكبرية كنت لما بتسالو بقولو تانية اولي رابعة وانا؟( لسة مدخلتش المدرسة) ببقي مكسووف أوي واااقول يااا امتي بقي هبقي ف تالته وعدت الايام والسنينن وابتدائي واعدادي وثانوي وطبعا كبررت بس ف نفس الوقت اتحرمت م اللعب دي كان ف كل مرحله وف كل سن كان الاحساس الغالب عليا اني صغير يعني عيني تطلع لما اشوف حد بيقول تلاتة وعشريين سنةة وااقول ياا هفضل لحد ما ابقي 23 سنة هوة سنة 2000 دي هتيجي ؟ ياا العالم هيبقي شكله ازااي ف 2010 دي أهي عدت والزمن دااس بعزمة وبقيت كاام وعشريين سنة ال25 سنة دول بجد يمكن اصعب ما فيهم اخر خمس سنينن دول لما ببصلهم من فووق بحس أد ايه فيهم كمية سرعة واد اية محستش بيهم صعوبتهم بتتلخص ف كذا حااجة هوة اولا انا عندي راي ان كلمة 25 سنة كلمة مش قليللة رقم مش هين لاني بفكر ف نفسي في كام 25 سنةف عمري مش كتيير الله اعلم لكن بجد 25 سنة يعني المفروض بعد الثانوي والمراهقة والتنطيط تبدا تحط رجليك علي اول عتبه او علي الاقل المؤشر اللي هيحدد اتجاه خطواتك الجايه الكلية خمس سنيني وسنتين بعد التخرج بعد ما المفروض شخصيتك ملامحها اتحددت من ثانوي ومن الي بتعمله ايامها وتبدا ف الكليه علشان تماارس ملامحك دي عشان تنتج لنفسك وللي حواليك عدو خمس سنين الكليه اليل فاتو كانهم أو ل امباارح لسة فااكر القطر بتاع اسيووط سنة 2001 واول سنة كليه وأول يوم ف الجامعة فاكر أيام كترة ف السنة بتاعة اسيوط د بالتفصييل يمكن علشاان محققتش حاجة كنت بحلم بيها قبل الكليه يمكن ما استغلتش طاقتي بشكل يرضيني يمكن استسلمت لواقع مضاد شوية لتطلعاتي قبل الكليه يمكن اصلا اني محلمتش بحاجاات محدة علشان كانتت تتحقق ف الكليه او احس بوجودهاا عشان كدة ايام كتير الكليه كنت بتحايل ع اليوم عشان يعدي ويجي اليل بعده عدت كأني كنت واخد منوم طويل المفعوول بديت حجاات كتير واتقطعت اتفرطت انا حقيققي مش زعلاان أو مش رااضي هوةة مووضع الرضا دة طلع موضوع كبير شوية فعلا دة اليل حسيتة أوي ف السنينن اليل بعد التخرج أنا ممتن بجد للعالم اليل استحملني 25 سنة للاكسجين اليل اتنفسته طول المدة دي ممتن للي وصلتله ولو كان ااقل من تصوراتي ممتن للعالم اللي بواجهة رغم الصدمة الكبيرة اللي اتصدمتها فيه ممتن لاصحابي حاسس اني عايز امسك ميك وأعمل موثتمر صحفي بجد مش عاايز ااقول اني بحبكم او كدة لاني بحس ان الكلمة هلاامية ومستعملة بشكل دون المستوي شوية الايم دي عايز اكون اكثر دقة عايز ااقول لاصحابي بجد انا مبسوط بكل لحظة قسمناها من عمرنا مع بعض وكنا متواصلين فيها باي شكل ,بشكركم علي تواجدكم ف حياتي بشكركم علي دعمك ليا بأاي صورة بقصدأو من غير قصد, احمم احممم امنعو التصفيق لو سمحتووو............ بعترف بكم التجارب الفاشلة, بعترف بعيوبي اليل لسة بحاول فيها حلمت ومحققتش وحلمت وحققت دخلت سكك غلط ودخلت سكك صح عرفنت ناس غلط وعرفت ناس صح كبرت يا ميدووو وادي حلم كمان اتحقق لك والعمر يعني اليل انت في بينك وبيته شوية تاتش علي عتااب هوة بس اليل حقق لك دة من حقك تفرح وتعترف ان دة انتصاار من انتصاارااتك القليللة اليل منعتهااش بنفسكك
الحاجة اليل كل الناس بتحسها لما حد يفكرها بايام فااتت او موقف قديم فتمصمص شفايفهاا وتقول دي كانت اياام مش عاارف انا الوحيد اليل بقي عندة الحتة دي خصوصوا السنة دي حاااس ان الفرق شااسع بين ال 20 وال 22 وال 25 مش تلت سنين حااسس انه 30 سنة في خمس سبع سنين اتسرقو كدة وانا مش واخد بالي
بقيت ما بين نارين العالم واخد عمري وبيجري اسرع مني وانا عندي شعورين يا اما بحس اني اتسرقت واليل حصل حل وياريت محدش يفكرني يا اماا بيفضل عندي عنااد انا لسة صغير عااادي مش كتيير اية ودة يتثبت اوي لما بحضر افراح اصحابي ف ردودي علي الحجات المعتادة اليل زي دي:

واقفين تلت دقايق سرحان ف رقصة سلوو
اية يا باشا مش ناوي ولا ايه?.
لاااا مش نااوي(صباح الرزااله بتاعتي يعني)
اية يبني انت ساكت ليه كدة؟
اعمل اية يعني لسة بدري
افضل انت قول بردي والسنينن بتعدي
يااا عم)تعدي بقي هعملها ايه؟)
يعني انت مش حااطط عينك علي حد؟
لا عيني ولا رجلي
وانت يا محمد لسة مفيش حاجة كدة؟
مفييييييييش (أنا هعيط ولا اييه؟ههههههههه)
انا لسة صغير اية يعني فلاان وفلان كانو بيلعبو معياا كورة وبيقفو ع النواصي معياا عاادي لسة بدري انا مش هعمل عقلي بعقل الزمن براااحتي لسة في حجات الاول
انا ساعاات كتير بحس ان معنديش ازمة مع الزمن الا يمكن منتصف العمر اللي بيقولو عليه رقميا فقط يعنيي بققوول ان في حجاات كتير مبسووط بيهاا مبسووط انها متواجدة ف حياتي اجتماعيا ع الااقلل بالاضافةان اهم انجااز حصل فيهم هما انجاازين حقيققي
الاول اني دخلت صيدله
التاني اني اتخرجت منهاا
دة ع المستوي التعليمي
علي المستوي المهني في انجازين بردة فاكرهم
الاول اني اشتغلت ف الدعاايا
التاتني اني سبت الدعاياا....... يعني يمكن دول اليل حاضرين دلوقتي علي بالي
كان في حجات بردة مش ندماان اوي اني عملتهاا او حصت لي وحجات تاني يعني كنت اتمني متحصلش او ما تبقااش بالشكل دة
يعني لو الزمن رجع بيا كنت بردة هبقي اهلااوي
كنت هدخل نفس الكليه مش يعني عشان خاطر عيون اليل حصلي دلوقتيي ول اليل فيه المهنة العظيمة هن ف مصر بس ساعات بحس ان مكنش ينفع ابقي غير كدة
كنت هحب الكوفي مكس والشاااي الخفيفف سكر مظبووط
كنت هحب السمكك البلطي المشوي وكنت عمر يما هحب السبنانخ ولا الكوسة
كنت هسمع عمرو ومنير وفيرووز وعمري ما هحب هاني شاكر ف يوم م الاياام
كنت هبقي حزب نفسي كدة
كنت هبقي فان اوف ميريرام فارس واقعد معااها ف كافيه ميتو ف اسكنرية ونشرب اتنينن فراولة وهي اللي تحاااااسب
كنت هبقي فان اوف ميج رايان بس دي بقي كنت هفتلحلها حنفيه موز باللبن نقعد ت ن شد فيهاا
حجاات مكنتش اتمني تحل او تحصل بالشكل دة (اللي ينفع يتذاع منها طبعا)
كنت اتمني ما اتفرقش عن اصحابي بالشكل دة بس دي سنة الحيااه ولسسسسسسسسه
كنت اتمني ما انسااش القراية ولا الكتابة والالاهتمام بالادب بعد التخرج بس دي سنة المفرمة
كنت اتمني ياحوش قسط العربية الفيراري بسسرعه قال فيراري امال مش فيرارري؟
كنت اتمنييييييييي يطوووول العمرررررررر واعيييش حوااالييك........... تيررارارا
والسلاام عليكووو