مقتطفات م الليالي ف عيدها الاول

إلي شتائية الكاميليا

نزخرف الأماكن الشفافة
ننثر ف الطرق والممرات
مفتتح,حلما عفويا,سيناريو علي طريقتنا ورجاء
يغسلها المطر
نستسلم لفيروز,نتكأ علي وسادة من وهم
ثم ننتظر

....................
فلربما تدور الليالي دورتها لتلتقط منا حلما جديدا
أو .. ترد لنا الطرقات دينها القديم

استنتاج من مسلسل ممل

لأنك لست مجرما بالفطرة

.
كان ضروريا ان تبتعد قليلا
او تدير وجهك, تجفف ملابسك بسرعة,تعيد بناء الشرنقة العتيقة

.ثم تنسحب للأبد

امضاء:هارب

وداعا شهيد_أقصد_شبابيك الف ليله

كنت بلملم حكاياتي التافهة وحلمي الاتفه وعناقيد فشلي وأرتبهم فيها بشكل رقيق يمكن ومبهرج ساعات

.
بكتب عن فشلي شوية وأفشل ف كتابتي شويتين لحد ما بقت الكتابة والفشل توأم ف فريق المكررات بتاع محمد..

كمااااااااان بقي فيها كتير م الرحيل
كتير م الأحلام المدبوحة
كتير م الغضب ع الظلم
ع التعتيم
ع الكدب
ع الفشل
بقي فيها قلقك يا ياسمين وشجنك يا عبدة وحلمك يا غادة وبراءتك يا اية وطموحك يا مي........يا غريبة
بقت شبة كل المكررات لحد ما بقت مقرر شايل مكررات

رسالة

الي الفنجان الرمزي المندهش:-و

أعرف أني لم يعد فيّ نفس لأي شيء,لكن الليالي المريرة علمتني
أن بقعة ضوء بعيدة ربما تبتلع الظلام لحظة ما
ان التخفي بين الورقة والقلم وبروفات الانتحارأرحم بكثير من الموت الكلاسيكي
فلأرتدي ملابسي الآن وأقلب صفحة أخري ولأجمع م ن أنفاسي الشاردة شهقة كتابية
ولأشّكل من دمي الذي لم يجف بعد لفظا من عودة وبعضا من تراتيل البقاء.و

شبابيك

الأفيش

الآ ن تتهدل الطبقات واحدة تلو الأخري, فيستوي البناء الإسفنجي وتضمحل القوة المزعومة,......تتضاءل.......,ترقد مادا زراعيك فتنزلق فوقك الأواني والأكواب الفارغة والقصص المبتورةوالروائع الهزلية

وقبل ان تستعيد لحظة عذوبة وتنهض تبدل ملابسك الممزقة بملابس جديدة كان يجب أن تتذكر أن المشهد السابق

عاديا جدا بل وقابل للحذف أيها الكومبارس العظيم!ز

بين الرحيل والعودة

أتدري؟..... لازال بينكما شيئا ما
ربما علي الأقل نظرة طويلة بها شيئ من العتاب المتبادل
من منا ترك الأخر؟؟

عن دوائرك يا مسكين

تماما
مثل شمع أخضر يذوب فتنجلي الثقوب تباعا,يتدفق فيهم نهر من زمن طالما إنتظر طويلا,
تنثر نسخ من وجهك الثابت ف المرايا الشبحية,
الآن فقط.......لك أن تعيد تجميع أشلاء وجهك المتناثرة ربما يبقي فيهم شيء تعرفه
فأنظر لهم إذن بغرور مصطنع,وإدعي أنك لم ترهم من قبل
اطلق ضحكة طويلة ثم إندثر ثانية في زخم دوائرك المتشابهة

عن دوائرك يا مسكين

2

من وحي قصة إدمان
معا. ... .في إتجاه واحد
..................

....................
ثم

معا أيضا ف إتجاهين يرسمهما الضد
هنااااااااااااااااااك

تبقي المسافة اللعينة فقط تعليلا منطقيا للخروج الهزيل
كما تبدو النهاية دوما لغة سخيفة للراحة
أما أحبك لزمة من لوازم الألسنة البريئة في أحداث لن نتذكرها جيدا
أما احبك للابد؟!.يا له من إفّيها تاريخيا!!!!!!!!!!!!!!!ز

يا حبيبي ما سبق كان عبئا دراميا ضفه من فضلك الي سلسلة مسلسلات ك المهملة احيانا والمملة دائم

ا

عن دوائرك يا مسكين 3و4و5و..............

.ز

دائرة نجاح

:
بدأيلملم شرنقته ثم اخذ يسلي نفسه بالبحث مع منير في أرض شجر الليمون عن........ز
عفريت:أشيائهما المفقودة بالطبع
هناك شعر بالإنسجام مع سماع الأغاني الهندي التي لم ولن يفهم منها شيئا إلا وجودها الفعلي أو المفتعل بالنسبه له ومع تليفون لأصدقائة الذين لم يسالو علية أبدا
ذروة النجاح.أقصد ذروة القصة:
إستعاد اللا وعي,أطبق علي القلم وكتب مجموعة قصص قصيرة جدا
آآآه تمت
آآآآآآه تمت
آآآآآه تمت
عفريت:لم تكن لتتم أبدا كان يكذب علي الدوام كل الكّتاب كاذبون خصوصا الفاشلون منهم
نهايه القصة
حلم1
حلم ذات مساء أنه يكتب رواية يجمع فيها كل الفاشلين الذي عرفهم
حلم2و3و4و....و
حلم ف المساءات المتتالية أن
يكتمل حلم1
أو

تكتمل الرواية

تعليق علي الدوائر

صديقي........ز لا يغرك كثيرا براعة االإكتمال أو وجع الإبتعاد
فلربما في تلك اللحظة مررت في ذاكرة شخص رأيته مرة واحدة
وربما يفتقدك صديق آخر في مكان مالم تسعفة تلك اللحظة بالذات
وربما تنام علي ذكري وجهك الشبحي فتاة رومانسية رأتك بين قطارين في يوم وساعة كنت تفكرأانت مليا في شخص لا

تمر بباله أبدا

فرااغ زووم إن

شهيتك للكتابة هروووب,تفكيرك ف عدم الكتابة للحظة كان هروووب حتي رجوعك ليها ........... بردة هروووب
إدمانك للنت ......... هرووووووب, قلة الجلوس ع القهوة .......... هروب
تعرف؟
؟
بقيت شبة العقرب بتاع الدقايق حتي ف هويته صيني
بتنكسر بسرعة قلبك خفيف وروحك خفيفة حتي وزنك خفيف ..........انت كائن صيني منظر بس
إنت مش شبة العالم !!!!!!
انت بس شبة دقنك الطويلة وشعرك الملخبط -قصدى المفلفل-شبه كتبك اللي ما بقراهاش ,شبة إذاعة الأغاني, شبة
التعب والانتظار المميت وشبهي أنا أحيانا
بعترف إاني هربان بس بهرب منك وليك بردة
أنا تعباان يا دكتووور.. طبطب عليا شوية وخدني ف حضنك ف ساعة الليل دي وأوعدك هتغير عشان ما تملش مني
هقلل السكر ف السحلب شوية,هحاول آآآآآآآآكل ,هشتري بارفام اغلي م اللي عندي,هكمل رواية ألبير كامي
...................
وهبطل أحب ملايكة

شبابيك

.

هابي بدلة تو يوو شبابيكوو

حد شاف واحد معجب اوي بنفسة بيجيب له تورتاية

وينزل اغنية عيد ميلاد ويدلع نفسة عشان يوم مولده_واخدين بالكم انتو من يوم مولدة دي_عموما مفيش وقت للكلاام

مدو اديكم يلا ع التورتة ما تنكسفووش

شبابيكوو بقي عنده يجي كام وعشرين سنة

عد يا عداااد

!!!!!!!

شبابيك بقي كام وعشرين ولسة بيشتري كرافت عاجباه وبعدين يوفق عليها بدلة وقميص

!!!!!

شبابيك بقي كام وعشرين ولسة بيحي يحضر افراح أصحابة اعشان يشوف العروس والعريسة

شبابيك بقي كام وعشرين ولسة مش عايز يعمل النضارة بقالة سنتين عشان مالقاش شنبر عاجبه

شبابيك بقي عندة كام وعشرين سنة ولسة مصر ما ياخدش أي أدوية للبرد ويفضل دماغة تنفجر م الصداع والتعب

علي انه يقدم علي اخد قرص فلورست

شبابيك بقي عندة كام وعشرين سنة ومش عارف البني ادمين دول واخدين منه موقف ليه من غير سبب

شبابيك لسة اكتر حاجتين بيكرههم الاكل والنوووم

شبابيك بيحب صوت بهااء سلطاان ومش عارف لية بالضبط؟

شبابيك بقي عندة كام وعشريين سنة ولسة مش عارف مصر مملكة ولا جمهورية

شبابيك بقي عندة كام وعشرين سنة ولسة مش عارف احمد فواد نجم بيحب مين في مصر؟

شبابيك بقي عندة كام وعشرين سنة ونفسة يعرف رقم موبايل بتاع ميريام فارس!!ظ!!!!

!

ِشبابيك بقي كام وعشرين ولسة بيحلم بشقة ع النيل وحاطط عينة ع الفيراري وعاوز يتجوز بنت

وزير خارجية كوالالمبو

شبابيك بقي كام وعشريين سنة ولسة عارف من فترة قريبة جدا ان عنية ما طلعتش سودا ولا حاجة وطلعت فحلقي غامق هكذا

أبدت الدكتورة بسمة_زميلة حضرتي_خلال اخر تصريحاتها لشبكة السي ان اخ

هيييه.إشربو العصير يا جماعة

العيد فرحة ......ماااااااااء

؟؟مش عارف الاغنية دي لو ما كنتش أم كلثوم غنتها كنت هعيد ازااي

لكن كويس انها هنا

مش هحكي عن ذكرياتي ف العيد مش عشان ما اطولش وارغي لكن لاني مش فاكر بصراحة غير ااخر ست سبع سنين

يعني من يوم ما بقيت كبير كدة ما شاء الله ما شاء الله

لكن كل اللي مسلسل العيد عندي محفور ف مخي

الاغنية دى ليلة العيد اللي لازم اسمعها معرفش بحس باية كدة وانا بسمعها بحس بحاجة مش عارف اسمها ايه بس حاجة حلوة اوي

الحاجة التانية الهدوم المكوية اللي بابا بيجيبها من عند المكوجي ف اخر الليل

وشوية التنضيف اللي ف البيت الللي عشانة مخصوص بسيب البيت واروح اي حتة برة يا كورة يا قهوة

بعد كدة السهرة وصلاة العيد الصبح والتكبير والمصلية اللي لازم اخرج بيها مع ان بيبقي في اماكن فاضية بعد كدة

حضراتكم يبقي تلت تربع العيد خلص بالنسبة لي

اكبر منطقتين عندنا ف المدينة الباسلة بتاعتنا هما علي اطراف المدينة ةبيخرجو مع بعض طبعا فتلاقي الرصيف اللي برة

بتاع الطريق السريع دة مستووووف بني ادمين ف اللحظة دي ممكن تتخيل انك تشوف اي بني ادم يخطر علي بالك

اصحابك كلهم طبعا والاحضان تشتغل وبعد ما الرصيف ي يخلص من الناس- بيني وبينكم بالذات الحريم يعني اللي

بنتفرج عليهم اصلهم بيبقو متالقين اوي ومش بنشوهم غير الساعة دي يعني_

المهم يعني

باخد زمايلي ونقعد ع القهو ة بتاعة الزراعة نشرب شاي اللي غالبا حد تاني بيحاسب عليه وبعدين اشتري جورنال

الجمهورية_ وما حدش يقولي اشمعني الجمهورية عشان مش عارف بصراحة هوة كدة وخلاص_ واروح بيتنا امتع ودني الجميلة بالرنات بتاعة التليفو ن من الناس قرايبنا واصحابنا وموبايلي العزيز بالنغمة

المميزة بتاعة الرسايل اللي بيتفضلو زمايلي ويعبروني بيها وبعدين اناااااااااام وكان الله بالسر عليم

كل سن وانتو طيبين وعيد سعيد عليك كلكم إنجوي يور سيلفس بقيي

بحب

بحب عمرو دياب القديم........ ومنير القديم

بحب صاحبي القدييم........ وحبيبتي القديمة

بحب بنطلوني الجينز القدييم الجرباان

وبحب اكتر قلبي الجرباااان ...........مش عشان جرباان وبس...... لكن لأنه فاكر كل الجربانين دوول.

إذا عرفت الحل من فضلك لا تتصل بأحد

ياعني حد يقولي

فراااااغ زوووووووم إن

ممممم الحباية دي بدأت تروح أهي........الواحد وشه بقي عامل زي حتة اللقمة علي رأي خالتي

الناس بيقولو الواحد بيتخن ف الشتا, الدنيا ساقعة أو كدة ليه؟وطي التليفزيون دة شوية

هوة البرنامج بتاع وائل الابراشي جه ولا لسه؟ كل دي هدوم؟

عايز كباية شاي, أنا بقيت بشرب شاي كتير الأيام دي كدة ليه؟
هدني علي طول كدة ؟هوة إبن اللذين دة لسة ما اتصلش؟ وبعدين؟

ولا قبلين هعمل اإيه ياعني؟

أنا بعت الفاكس اللي كنت بقول عليه؟. يا فلوسي خلصت من كتر النت والفاكسات

هي الفلوس بقت بنخلص بسرعة أوي كدة ليه؟ كل حاجة بقت بتخلص بسرعة اشمعني دي أه صح فعلا حلو أوي

القصة دي هي الرواية دى مش عايزة تخلص؟ الساعة لسة 11 ونص اليل طويل اوي اه اطول ممني نيها هاهاها ..

هاها م

ين مين كان بيضحك الضحكة دي؟ اه إفتكرت بس لذيذة اوي

اتخنقت عايز اغير جو انزل اسكندرية جابر اتصل بالواد جابر واطب علية

أأقع معاة يومين .......اشمعني يومين؟ ياعني مش عارف اية الاسئلة دى؟ انا بقيت بكلم نفسي كتير كدة ليه؟ نفسي؟

نفسي التي رحلت نيهاهاها الواحد مخة بااز م التدوين وسنينه هوة انهاردة اية؟ الاتنين بقينا ف ديسمبر الايام بتمشي

بسرعة فاضل شهر علي عيد ميلادي الواحد عايز ياكل تورتة ف السقعة دى ......سقعة اية دي طفاسة يافالح

اية دة مين اللي اخترع المكنسة دى؟ صوتها فظيع ممل ليالي الحلمية جت؟ هي كانت بتيجي امتي؟ انا فاكر اني

كنت بشوفها باليل باليل امتي ما الليل طويل اوي؟

أما أشوف................ يخربيت اهلك اية الي انتي لابساه دة؟

البرنامج دة تافه كييك

يا سلاااام...................ممممممممم

بس كويس أوي الاحساس دة ما كنتش متوقع كدة خالص بس هي فاكرة ...........بس كويس بردة ان انا مش باين عليا

اية دة انا مش فاهم حاجة م اللي بقولها........... لا بس سلفادور دالي دة طلع حكاية هوة مجنون شوية بس دماغ هوة في مجنون شوية ومجنون شويتين ؟؟!...... يلا بلا هم ياعني انتي اعني اللي عاقل؟ اية اصلا الي فكرني بيه دلوقتي واية

الرواية دي كمان لسة ما وصلتش لنصها وعمال اشبك صوابعي ف بعضها واكلم نفسي الراجل دة بيكتب بطريقة غريبة اوي وفلسفة اغرب هوة اية ياعني تكون انت ومش انت ويكون هوة ساعات انت وانت مش عارف؟! هو أنا عملت

شاي؟ شاي ايه؟ انا مش هنام بقي؟ انا؟

ما انا بنام كل يوم وبعدين؟ كنت عايز اروح اخلص الورقة دي بقي الموظفة دي طلعت سخيفة مين اللي بيرن عليا

دلوقتي دة؟ شكل أحمد هيصحي م الفيبريشن مع الازاز عامل صوت فظيع مش هبيع الجهاز دة مخصوص عشان الفيبريشن بتاعه دة هسيبة اخوف بي العيال الصغيرة

اما اروح اعمل كباية سحلب بقي هوة انا فاضي اوي كدة ليه؟

يخربيت الفرااااااااااااغ ياع